¿Eeshii süpüla pükaalinjain waya?

Akooʼomüinraasü maʼin tü nupueulosekat Jeʼwaa maaʼulu yaa maʼaka nüküjain Isaías (Is 54:2). Müsüjeseʼe choʼujaain maʼin saainjünüinjatüin Piichi Outkajaalee, Piichi eere saainjünüin Outkajawaa Miyoʼu otta müsia waneirua piichi chaa Weteet. Süchikijee sukumajünüin tia, aaʼinmajünüinjatü shia otta eesü tü eekat sunoutunuin süchikuaʼa. Eeshii süpüla waʼwaajüin Jeʼwaa müleka wakaalinjale sünain aaʼinraa tia. Anuu tü eekat süpüla waaʼinrüin:

• Eesü süpüla wepitajüin namaa na wawalayuukana tü Piichi Outkajaaleekat.

• Eeshii süpüla wekirajünüin süpüla wanoutuin waneirua kasa suluʼu tü Piichi Outkajaaleekat.

• Eesü süpüla wepirajüin tü karaloʼutakat Solicitud de voluntario local de diseño y construcción (DC-50) süpüla wakaalinjain sünain akumajaa piichi otta sünain anoutaa waneirua kasa.

• Eesü süpüla wepirajüin tü karaloʼutakat Solicitud para el programa de voluntarios (A-19) süpüla wakaalinjain soʼu wanee semaana jee shiale kojuyasü semaana chaa Weteet.

SÜCHIKIJEE JÜNAJÜIN TÜ VIDEOKOT WANEE KASA JEKETÜ AKUMAJÜNAJATKA (SHIʼIPA NEʼE), JUSOUTA SHIʼIPAJEE TÜÜ:

• ¿Kasa aainjünaka süpüla sükooʼomüinraainjatüin tü videokalüirua soʼujee juyakat 2014?

• Süpüla sukumajünüinjatüin sooʼomüin video, ¿kasa akumajüneetka soʼu palit kaʼi otta joujeerü sujutaaka?

• ¿Jeʼrainjana na oʼunakana sünain akaalinjaa otta jeʼrainjatü namaʼa chejee?

• Müleka wakaalinjeere sünain akumajaa tü piichikalüirua chaa Rámapo, ¿jamüshii wepirajüinjanaka tü karaloʼutakat DC-50 süpüla waʼyataain sümaa LDC?

• ¿Jamüsü watüjaaka saaʼu sünain nükaalinjeenain waya Jeʼwaa sünain aʼyatawaakat tia?

• ¿Kasa eeka süpüla waaʼinrüin isale wachiki wakaalinjain sünain akumajaa tia?