«Nnojo jüshapajaain aaʼin»

Soʼu nakalioʼu na israeliitakana nükaalinjain Jeʼwaa na wayuu maʼletsekana. ¿Kasaka naaʼinrüin maaʼulu yaa süpüla nükaalinjain na wawalayuu maʼletsekana?

• Nükaalinjain naya süpüla nnojoluinjatüin kachiiruain naaʼin tü washirüükat (Lu 12:15; 1Ti 6:6-8).

• Nükaalinjain naya süpüla kojutujiraain namüinjiraa (Job 34:19).

• Nikirajüin naya süpüla tütüin naya sünain aʼyatawaa jee nayoutuin tü yarütteetkalü atuma naaʼin (Pr 14:23; 20:1; 2Co 7:1).

• Aishii naya nüpüla nakajee na wawalayuukana (Jn 13:35; 1Jn 3:17, 18).

• Nüküjain namüin tü kasa anasü eeinjatkat mapeena (Sl 9:18; Is 65:21-23).

Mayaainjeʼe kapüleein maʼin tü alatakat wamüin, nnojo washapajaain aaʼin (Is 30:15). Naapeerü Jeʼwaa tü choʼujaakat wamüin waaʼinmaale waneepia tü sünainpünaakat Sukuwaʼipa Nuluwataaya (Mt 6:31-33, TNM).

SÜCHIKIJEE JÜNAJÜIN TÜ VIDEOKOT AYATEERÜ CHOʼUJAAIN TÜ ALIIKALÜ APÜLA WAYUU JAʼITAINA MAʼLETSEIN WAYA (CONGO), JUSOUTA SHIʼIPAJEE TÜÜ:

• 

  ¿Kasa naaʼinraka na wawalayuukana süpüla neeʼiyatüin namanee namüin na wawalayuu antakana wattajee sünainmüin tü outkajawaakat miyoʼu?

• 

  Sünainjee videokot tüü, ¿jamüsü watüjaaka saaʼu alin maʼin nüpüla Jeʼwaa na maʼletsesaliikana?

• 

  ¿Kasa waaʼinrüinjatka süpüla kamaneein waya maʼaka naaʼin Jeʼwaa jaʼitairü nnojoluin wainmain kasa wamaʼana?