Nnojotsü motuin naaʼin Jehová tü paaʼinrakat

Eejeerü kaʼi süntajaakalü oʼu suluʼu waaʼin amülain neʼe tü waaʼinrakat napüleerua na waneinnua jee motomaatüin shia naaʼin. ¿Müsüche nukuwaʼipa Jehová wamaa? Nia wanee Maleiwa kojutukai amüin tü waaʼinrakat. Nnojotsü motuin naaʼin tü kasa waaʼinrakat süka süpüshuaʼa waaʼin süpüla waʼyataain nümüin. Jaʼitasüjaʼa isain püchiki tü paaʼinrapuʼukat paala saaʼujee ayuulin pia, nnojoleechi pia nüpütüin Jehová pümüiwaʼa (Heb 6:10).

SÜCHIKIJEE JÜNAJÜIN TÜ VIDEOKOT NNOJOTSÜ MOTUIN NAAʼIN JEHOVÁ TÜ WAAʼINRAKAT, JUSOUTA SHIʼIPAJEE TÜÜ:

• ¿Kasa niʼyataaka maʼin anain chi wawalakai David nümüin Jehová?

• ¿Kasa naaʼinraka Jehová nüpüleerua chi wawalakai David süpüla nütüjaain saaʼu eein nia nümaa soʼu outuin nuʼwayuuse otta isain nüchiki niʼyataain maʼin sutuma laülaaichin nia?

• ¿Jamüsü watüjaaka saaʼu talatüin maʼin naaʼin chi wawalakai David sutuma niʼyataain maʼin waneepia nümüin Jehová? (Pr 10:22).