MAAYOʼU 27–JUUNIOʼU 2
SALMOS 42-44
Jayeechi 86 otta oʼuraajaa | Pütchi suʼttiainjatka (1 min.)
1. Paaʼinra tü nikirajakalü anain Jehová süpüla anain pukuwaʼipa
(10 min.)
Puutkajaa waneepia namaa na wawalayuukana süpüla puʼwaajüin Jehová, aluʼujasaʼa isaʼleere shia püchiki (Sl 42:4, 5; w06-S 1/6 9 püt. 4).
Puʼuraaja süpülapünaa pikirajaain sünain tü Bibliakat (Sl 42:8; w19.01 18 püt. 15).
Puʼunira pukuwaʼipa waneepia sükajee tü sümakat tü Bibliakat (Sl 43:3).
Katsüinsü waaʼin sutuma tü nikirajakalü anain waya Jehová süpüla walatüin süchikumüin müliaa otta süpüla wekeraajüin tü waʼyataainkat nümüin (1 Pe 5:10; w16.09 9 püt. 11, 12).
2. Püchajaa süchiki kaaʼürüi suluʼu tü Bibliakat
(10 min.)
Sl 44:19. ¿Kasa aküjüneeka achiki sükajee tü pütchi makat «eere napülee na mürüt chacal münakana»? (it-1-S 470).
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Jn 12:35-50 (th ekirajaaya 11).
4. Atüjainjachi pia yootirawaa
(4 min.) SAINKÜIN MIICHI. Püküja nümüin pikirajeein nia sünain tü Bibliakat (lmd ekirajaaya 5 pütchi 5).
5. Ayataʼaya pikirajüin wayuu
(5 min.) SAINKÜIN MIICHI. Puunejaa nia süpüla naapajüin tü pütchi süpülajatkat wayuu süpüshuaʼa. Müinjatü piʼitaayaakai aaʼin tü videokot ¿Kasache aainjünaka suluʼu tü Piichi Outkajaaleekat?, pikiraja sükajee (lmd ekirajaaya 7 pütchi 5).
6. Pütchi ekirajünüinjatka anain
(3 min.) lmd sooʼomüin pütchi 1.4. Sünülia: Nnojoleerü eein ayuulii, aneerü wayuu süpüshuaʼa (th ekirajaaya 2).
Jayeechi 21
7. Ana putuma süneekia tü pikirajaainjatkalü anain otta tü piʼyataainjatkalü anain
(15 min.) Ekirajawaa namaa na jutkatüshiikana.
Jimaʼalii jee majayünnüü, ¿jütüjaaitpa aaʼu tü jaaʼinrajatkat kettaapa jutuma tü bachilleratokot? Eesüjaʼa jülüjale paaʼin piʼyataainjachin sünain wanee aʼyatawaa eere nnojolinjachin waneepiain pia sünain süpüla pürekutsoolinjachin pia jee shiale jülüjain paaʼin pikirajaainjachin palajana süpüla pütüjain süpüleerua wanee aʼyatawaa. Wainma tü jülüjakat naaʼin wanee jimaʼai jee wanee majayülü naneekajatpa tia. Eesüjaʼa nnojorüle pütüjaain aaʼu tü paaʼinrajatkat jee shiale müin püpüleeruanakai aaʼin sutuma tü namakat na waneinnua. Sülatüle pümüin tia, ¿kasa paaʼinrajatka süpüla anain tü püneekakat?
Paashajeʼera Mateo 6:32, 33. Püsakira sünain tüü:
¿Jamüsü anaka pütüjaale saaʼu tü paaʼinrajatkat süpüla pukooʼomüinrüin piʼyataain nümüin Jehová süpülapünaa püneeküin tü pikirajaainjatkalü anain otta tü piʼyataainjatkalü anain?
¿Kasa naaʼinrajatka na kachonshiikana süpüla naaʼinrüin nachonnii tü sümakat Mateo 6:32, 33? (Sl 78:4-7).
Jalia pia suulia püneeküin kasa shiiʼiree eeinjatüin nneerü waneepia pümaʼana jee piʼnnaajünüin sutuma wayuu (1Jn 2:15, 17). Soto paaʼin kapüleejeerüin maʼin namüin na wayuu wainmakana amaʼana nneerü neʼrüin tü kasa anasü eejeetkat nuluwataapeena Maleiwa (Lu 18:24-27). Kachiiruale naaʼin wanee wayuu washirüü, nnojoleerü katsüin nunoula otta nnojoleerü naaʼinmaain tü talatakalü atuma naaʼin Maleiwa (Mt 6:24; Mr 8:36).
Piʼitaa tü VIDEOKOT Jalia piʼitaajayaai paaʼin sünain tü kasairua motsomüinkat neʼe: Tü washirüükat. Püsakira sünain tüü:
¿Jamüsü jalouijeetka pümüin tü sümakat Proverbios 23:4, 5 süpüla anain tü püneeküinjatkat?
8. Ekirajawaa sünain tü Bibliakat namaa na wawalayuukana
(30 min.) bt ekir. 10 püt. 5-12.