OʼUTUUPÜROʼU 20-26
ECLESIASTÉS 9, 10
Jayeechi 30 otta oʼuraajaa | Pütchi suʼttiainjatka (1 min.)
1. ¿Kasa sotuinjatka waaʼin sülatapa kasa mojusü wamüin?
(10 min.)
Sülatüle kasa mojusü wamüin nnojotsü shiain sükajee nnojoluin talatüin Jehová wamaa (Ec 9:11; w13 8/1 17 püt. 20, 21).
Watüjaa aaʼu saainjüneerüin kasa mojusü wamüin jama niain Satanás aluwataaka saaʼu tü mmakat (Ec 10:7; w19.09 4 püt. 10).
Wanaa sümaa sülatüin kasa mojusü wamüin anasü jülüjale waaʼin tü kasa anasü naainjakat Jehová wapüleerua (Ec 9:7, 10; w15 8/1 10 püt. 4).
2. Püchajaa süchiki kaaʼürüi suluʼu tü Bibliakat
(10 min.)
Ec 9:5. ¿Ojuʼitüsüche naaʼin wanee wayuu outapa nia? (lff ekirajaaya 29 pütchi 1).
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Mt 20:1-14 (th ekirajaaya 11)
4. Atüjainjachi pia yootirawaa
(3 min.) EERE JOULUIN WAYUU. Püküja pütchi nümüin wanee wayuu jaʼyakai aaʼu mojuin naaʼin (lmd ekirajaaya 3 pütchi 4).
5. Atüjainjachi pia yootirawaa
(4 min.) EEPÜNAALE PIA. Paashajaa nümaa wanee wayuu süchiki tü pütchikat «Kojutusü wamüin tü pütchi shiimain wekirajakalü aka» suluʼuka tü poyeetokot Ai wapüla wayuu, sooʼomüin pütchi 1. Shapaasü naaʼin chi wayuukai sutuma choʼujaain nneerü nümüin (lmd ekirajaaya 4 pütchi 4).
6. Pikiraja wayuu
(5 min.) lff ekirajaaya17 watüjaaitpaka aaʼu, pusouta shiʼipajee otta «Tü paaʼinrajatkat» (lmd ekirajaaya 12 pütchi 3).
Jayeechi 47
7. Nükaalinjain waya Jehová müliale maʼin waaʼin
(15 min.) Ekirajawaa namaa na jutkatüshiikana.
Wainma tü kasa eejiraakalü amaa waya soʼukaiwai otta eesü kaʼi weʼraka oʼu müliaa, mojuka atuma waaʼin, eeka süpüla ayuulin atuma waya otta eesü süpüla matchinjaain wanoula sutuma. ¿Jarai akaalinjeechikai waya weʼrapa müliaa?
Jaʼitairü kasain alatüin wamüin nükaalinjeena waya Jehová (Is 33:6). Weʼitaale waaʼin nünain Jehová wayaawateerü aaʼu wakuwaʼipa jee tü kasa isakat wachiki (Pr 11:2). Sülatüle kasa mojusü wamüin jülüjeesü waaʼin anain süneekia wanee kasa watuma, waaʼinmajiraa maʼin jee waaʼinmaja na wapüshikana otta eeshii süpüla waʼyalajüin choʼujaale shia wamüin (Ec 4:6).
Eeshii süpüla nükaalinjain waya Jehová nakajee na wawalayuukana, müsüjeseʼe wooʼulaa nakaalinjai waya jee wachunta kaalinwaa choʼujaale shia wamüin. Aishii waya napüla na wawalayuukana jee talatüsü naaʼin nakaalinjale waya.
Paashajeʼera 2 Corinto 4:7-9. Püsakira sünain tüü:
Mayaainjeʼe kapüleein shia wamüin, ¿jamüsü ayatüinjatkaʼa waashajeʼerüin tü Bibliakat, woutkajaain namaa na wawalayuukana jee waküjain pütchi?
Piʼitaa tü VIDEOKOT «Nnojoishi wattaluʼuin Jehová noulia na mojukana aaʼin». Püsakira sünain tüü:
¿Kasa naainjaka Jehová süpüla nükaalinjain Gary sümaa Beth?
¿Kasa naainjaka na wawalayuukana süpüla nakaalinjain naya?
¿Kasa watüjaka sünainjee nukuwaʼipa Gary sümaa Beth?
8. Ekirajawaa sünain tü Bibliakat namaa na wawalayuukana
(30 min.) lfb ekirajaaya 28, suʼttia tü shiʼipakat 6 otta ekirajaaya 29.