MAATSOʼU 16-22

ISAÍAS 45-47

Jayeechi 2 otta oʼuraajaa | Pütchi suʼttiainjatka (1 min.)

KOROLO KOJUTUSÜ SULUʼUKA TÜ BIBLIAKAT

1. «Taya neʼe Maleiwakai tamüiwaʼa, nnojoishi eein wanee eekai müin aka taaʼin»

(10 min.)

Wainma israelita ojuʼitakana Babiloniajee.

Nnojoishi eein wanee eekai müin aka naaʼin Jehová (Is 46:9; w20.06 5 püt. 14).

Nnojoishi eein wanee wayuu ooʼuleʼereechika Jehová suulia nikeraajüin tü nümakat (Is 46:10, 11; w25.06 17 püt. 15).

Nnojoleerü anain nukuwaʼipa wanee wayuu kachiiruale naaʼin washirüü (Is 46:6, 7; w24.09 11 püt. 13, 14).

2. Püchajaa süchiki kaaʼürüi suluʼu tü Bibliakat

(10 min.)

Is 46:10. «Taya aküjatüjüikai jamüinjatüin sukuwaʼipa sajaʼttia wanee kasa», ¿jamüsü sukuwaʼipa tia nutuma Jehová? (w24.02 30 püt. 3-5).

Püshaja susoutia
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?

Püshaja susoutia

3. Wetsiikulo aashajeʼennajatka

(4 min.) Lu 14:1-14 (th ekirajaaya 5).

ATÜJAINJANA WAYA EKIRAJAA

4. Atüjainjachi pia yootirawaa

(3 min.) EERE JOULUIN WAYUU. Püküja nümüin wanee wayuu manoujainsai süchiki jamüin waainjaka tü Outkajawaakat eere Sotuin Waaʼin Outuin Jesús (lmd ekirajaaya 5 pütchi 3).

5. Ayataʼaya pikirajüin wayuu

(4 min.) SAINKÜIN MIICHI. Püküja nümüin chi wayuu puunejaakai sünain tü Outkajawaakat eere Sotuin Waaʼin Outuin Jesús, pikirajeein nia sünain tü Bibliakat (lmd ekirajaaya 9 pütchi 5).

6. Pikiraja wayuu

(5 min.) lff ekirajaaya 19 suʼttia pütchi otta pütchi 1-3 (lmd ekirajaaya 11 pütchi 3).

WAKUWAʼIPA SÜNAIN ANOUJAA

Jayeechi 38

7. Nia Jehová akaalinjeenaka waya waneepia

(7 min.) Ekirajawaa namaa na jutkatüshiikana.

Nia Jehová wachuntajachikai amüin kaalinwaa weʼrapa wamüliala (Heb 13:5, 6).

Paashajeʼera Salmo 55:22. Pikirajaa namaa na jutkatüshiikana waneirua kasa eeka süpüla sülatüin wamüin.

Kojuyasü ayaakuaa: Nayaakua waneinnua wawalayuu alatakana amüin kasa mojusü. 1. Wanee wawala mojukai maʼin naaʼin sutuma maʼyataainchipain nia. Joyotushi nia süpaʼa kaaye. 2. Wanee wawala püreesakai natuma na pulusiiakana. Nasakiijüin nia. 3. Oʼuraajüsü wanee wawala suluʼu tü pitaatkat, nüʼütpaʼa chi suʼwayuuse ayuuikai. 4. Shapaasü maʼin naaʼin wanee wayuu sümaa nuʼwayuuse süchikijee noʼttaain süchikumüin wanee wawai alatakat eere kepiain naya.

Püshaja wünaʼapünaa sünain tü pütchikat tü paaʼinreetkat piʼitaale paaʼin nünain Jehová jee tü naaʼinrakat süpüla nükaalinjain pia.

Maʼyataainre waya jee masetirale wanneetse süpüla waapüin tü choʼujaakat sümüin wapüshi.

Püshaja susoutia
Süpülajünüle woulia tü waʼyataainkat nümüin Jehová natuma na süʼlaülashiikana mma.

Püshaja susoutia
Ayuuire maʼin waya.

Püshaja susoutia
Sülatalaʼa sümüle wanee kasa suluʼu tü mma eere kepiain waya jee shiale nünaajaain wanee wapüshi.

Püshaja susoutia

8. Tü saainjakat Departamento Local de Diseño y Construcción soʼu 2026

(8 min.) Pütchi.

Piʼitaa tü VIDEOKOT.

9. Ekirajawaa sünain tü Bibliakat namaa na wawalayuukana

(30 min.) lfb ekirajaaya 70, 71.