AAʼURIIROʼU 20-26
ISAÍAS 54, 55
Jayeechi 86 otta oʼuraajaa | Pütchi suʼttiainjatka (1 min.)
1. ¿Kasa waaʼinrajatka kojutule wamüin nikirajüin waya Jehová?
(10 min.)
Nüküjain Jehová nikirajeenain na aʼyataashiikana nümüin (Is 54:13; w20.10 25 püt. 15).
Anasü wajayatüle tü kaʼikat süpüla wekirajaain sünain tü Bibliakat (Is 55:1, 2; w18.11 4 püt. 6, 7).
Aneerü wakuwaʼipa wekirajaale sünain tü Bibliakat mayaainjeʼe eein süpüla kapüleein shia wamüin (Is 55:3; w16.05 18 püt. 12).
PÜSAKIRA PAAʼIN: ¿Kasa taaʼinrajatka süpüla tekirajaʼawalin sünain tü Bibliakat otta süpüla wainmain tü kasa tatüjakat sünainjee?
2. Püchajaa süchiki kaaʼürüi suluʼu tü Bibliakat
(10 min.)
Is 54:17. Püküja süchiki apünüinsü kasa watüjaka sünainjee tia wetsiikulokot (w19.01 6 püt. 14, 15).
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Jn 1:1-18 (th ekirajaaya 11).
4. Atüjainjachi pia yootirawaa
(2 min.) SAINKÜIN MIICHI. Paashajaa nümaa wanee wayuu süchiki tü pütchikat «Kojutusü wamüin tü pütchi shiimain wekirajakalü aka» suluʼuka tü poyeetokot Ai wapüla wayuu, sooʼomüin pütchi 1 (lmd ekirajaaya 1 pütchi 4).
5. Atüjainjachi pia yootirawaa
(2 min.) EERE JOULUIN WAYUU. Paashajaa nümaa wanee wayuu süchiki tü pütchikat «Kojutusü wamüin tü pütchi shiimain wekirajakalü aka» suluʼuka tü poyeetokot Ai wapüla wayuu, sooʼomüin pütchi 1 (lmd ekirajaaya 2 pütchi 3).
6. Ayataʼaya pikirajüin wayuu
(2 min.) EERE JOULUIN WAYUU. Paapa nümüin tü tarjeta süpülajatkat jw.org (lmd ekirajaaya 9 pütchi 3).
7. Pütchi ekirajünüinjatka anain
(5 min.) w24.11 31 püt. 1-6. Sünülia: Paaʼinrajatka süpüla pikirajaʼawalin sünain tü Bibliakat pümüiwaʼa (th ekirajaaya 14).
Jayeechi 97
8. Nnojo puuʼulaain suulia ekirajawaa sünain tü Bibliakat pümüiwaʼa
(15 min.) Ekirajawaa namaa na jutkatüshiikana.
Mayaainjeʼe wainmain tü kasa ooʼuleʼereekana waya suulia ekirajawaa sünain tü Bibliakat, ayatüinjana waya ekirajaain sünain. Ashajünüsü wünaapünaa tü eekat süpüla nüküjain pümüin wanee wawala kapüleekai amüin aashajeʼeraa tü Bibliakat waneepia jee nikirajaain sünain. ¿Jameerü pünüiki nümüin süpüla pükaalinjain nia? Püshaja wünaapünaa tü eekat süpüla naaʼinrüin chi wawalakai, püshaja wanee wetsiikulo anakat nümüin jee shiale wanee pütchi suluʼujeejatka wanee karaloʼuta.
«Isasü tachiki aashajeʼeraa karaloʼuta».
«Mamalainsat tamüin ekirajawaa».
«Nnojotsü tatüjaain aaʼu kasain maʼin tü taashajeʼerüinjatkat otta jeʼrainjatüin tü kapiitulo taashajeʼerüinjatkat».
«¿Kasache tü tekirajaainjatkalü anain?, maʼwaishi taya waneepia jama wainmain maʼin shia».
«Wainma tü kasa taaʼinrakat, nnojotsü apütaain kaʼi süpüla tekirajaain».
«Wainma neʼe tü kasa tekiiruʼukot jee nnojotsü jülüjain taaʼin tü tekirajaakalü anain, motomaatüsü shia taaʼin».
Piʼitaa tü VIDEOKOT Sukuwaʼipainjatka watuma wekirajaapa sünain tü Bibliakat. Püsakira sünain tüü:
¿Kasa paaʼinrajatka süpüla ayatüin pikirajaain sünain tü Bibliakat pümüiwaʼa jee kamalain shia pümüin?
9. Ekirajawaa sünain tü Bibliakat namaa na wawalayuukana
(30 min.) lfb ekirajaaya 78, 79.