¿Kasa ekirajünaka anain na aʼyataakana waneepia nümüin Maleiwa?

Kojutüsü maʼin namüin na aküjüliikana pütchi nekirajaain sünain tü Wiwüliakat. Müshiijeseʼe nekirajaain na wawalayuu aküjakana pütchi waneepia. Tia, süpülajatü anainjatüin sukuwaʼipa naʼyataain nümüin Maleiwa (2 Timoteo 4:5).

Ekirajawaa Napülajatka na Pürekutsootkana. Ekirajünüshii na pürekutsoot rekulaatkana soʼu aipirua kaʼi suluʼu tü Piichi Outkajaalee pejekat napüla. Naya ekirajünaka na waneeinnakana juya pürekutsoolüin. Tia, süpülajatü narütkaain maʼin nünainmüin Jeʼwaa, natüjüinjanain aküjaa pütchi jee waneepiainjanain naya sünain.

Ekirajawaa Napüla na Aküjüliikana Pütchi. Napülajatü na tooloyuu otta jieyuu maʼwayuusekana otta na kaʼwayuusekana. Eeinjatü maʼaka 35 jee 65 nouyase, atüjüinjana maʼin aküjaa pütchi jee nacheküinjatü oʼunaa eere naluwataanüin. Nashatüin nukuwaʼipa Jesuu, chi Pürekutsoot nüjünalakai Maleiwa, müshii naya: «¡Anii taya! Taya puluwataa» (Isaías 6:8; Juan 7:29, TNM). Nantapa eemüinre najütünüin, nekirajaainjatü anain nanüiki na wayuu kepiakana chayaa, tü nakuwaʼipakat, kiʼrainjana sünain tü eküülü ekaajünakat chayaa, jaʼire kaʼi jee aire jemiai. Ekirajünüshii süpüla anain nakuwaʼipa noʼuluʼu Jeʼwaa jee süpüla naʼyataain maʼin niʼipajee otta shiʼipajee tü nupueulosekat.

Ekirajaalee Galaad sutuma Watchtower. «Tü ipa apaaʼuwajuushikat, sotüinjatka aka waaʼin tü wamakat», maluʼulu tü pütchikat Galaad süka Hebreo. Oʼttüsü soʼujee juyaka 1943. Alatüinna suulia 8.000 na misioneerokana otta anasü maʼin sukuwaʼipa naʼyataain sainküin Mmakat (Aluwataaushikana 13:47). Nantaiwaʼaya Perúmüin, nnojotsü outkajaalee napüla, maaʼulu, alatüitpa suulia 1.000 outkajaalee. Nantaiwaʼaya Japónmüin, polooshii neʼe wawalayuu eejanaka, maaʼulu, alatüinna suulia 200.000 wawalayuu. Soʼu jaʼrai kashi, ekirajünüshii sünain tü Wiwüliakat otta jamaluʼuluin wanee pütchi. Tia, süpülajatü ayatüinjatüin tü aʼyatawaakat nümüin Maleiwa sainküin Mmakat otta süpüla anainjatüin sukuwaʼipa. Naya oʼunaka na pürekutsoot pesiaatkana, na misioneero aküjakana pütchi, na alapalaakana waaʼu otta na aʼyataakana suluʼu Weteet.

• ¿Kasapülajatü tü Ekirajawaa Napülajatkat na Pürekutsootkana?

• ¿Jaralii na oʼunakana sünain Ekirajawaa Napüla na Aküjüliikana Pütchi?