Watütüleʼerajiraa waaʼin waneepia

1. Anajiraa waya wapüshuaʼa,

jama pawalaawain waya.

Kamanee maʼin waya wapüshuaʼa

süpüla paaʼinwain maʼin waya.

Atütülaasia maʼin tü waaʼinkat

sutuma aijiraain waya.

Aneena maʼin waya waneepia

namaa wawalayuukana.

2. Jee paaʼinwa maʼin waya waneepia

jee kottiraa waya soʼukai.

Wachunta kaalinwaa waneepia

süpüla katchinreein maʼin waaʼin.

Aleewa maʼin waya wapüshuaʼa,

jama pawalaawain waya.

Müliale wanee wawala,

wamülialamaata joo naaʼin.

3. Pejesü nükalia joo Maleiwa,

iche wanoula joo nünain.

Ayata woutkajaain waneepia

namaa wawalayuukana.

Jee aijiraa waya waneepia,

jama nüchonniin joo waya.

Joʼu waʼyanaajiraai wapüshuaʼa

nümüin Jehová waneepia yaa.