Mapüleeinjatü pütchikat namüin na wayuukana

1 Corinto 14:9

PÜTÜJAINJATKA APÜLEERUA: Pükaalinja na aapajüshiikana pünüiki süpüla nayaawatüin saaʼu tü pütchikat.

SUKUWAʼIPAINJATKA

• Pikirajaa maʼin sünain tü pünüikinjatkat. Piyaawatajatü tü pütchikat süpüla mapüleein shikirajia putuma otta nnojotsü shia paashajeʼerüinjatüin, puuʼulaküinjatü shia süka pünüiki.

• Nnojo miyoʼuin maʼin pünüiki otta mapüleeinjatü shia. Mayaapejeʼe anain miyoʼule wanee pütchi, shia anaka aluʼu püküjale uwatuwoʼushi tü pütchi anakat maʼin.

• Püküja jamaluʼuluin wanee pütchi. Nnojo püküjain wanee pütchi nnojotka natüjaain aaʼu na wayuukana. Paashajaainjachire süchiki wanee pütchi eekai meʼraajuuin, wanee leetüra suluʼuka tü Bibliakat, wanee shimeriiase wanee kasa otta shiale sukuwaʼipa wayuu sümaiwajatü, anashi pikirajüle jamaluʼuluin tia pütchikat.