Akaalinjiraashii soʼunnaa neʼrüin müliaa

WAINMA kasa mojusü alataka sümüin Noemí. Wanaa sümaa alin maʼin jamü Israel, akolojooshi nümaa chi suʼwayuusekai Belénjee chamüin suluʼumüin tü mmakat Moab. Shiasaʼa joo mapa nünaajaaka suʼwayuuse Noemí. Nayaʼala apütaaka sümaa na piamashiikana süchonnii. Kasaatka na süchonniikana sümaa piamasü jieyuu moabita. Manoujainsat nünain Jehová tia piamasükat jieyuu. Poloo juya süchikijee tia, anaajaashii na süchonniikana Noemí. Machonsalii naya sümüin naʼwayuuse. Süpütüüka Noemí sümüiwaʼa, jama outuichipain chi suʼwayuusekai otta na piamashiikana süchonnii. Nnojoluitpa süpüla kaikeyuuinjatüin shia.

Süka nnojoluitpain kasain saaʼinrüinjatüin Noemí chayaa Moab, aleʼejüsü süchikuaʼa Belénmüin. Waneejeerü semaana Noemí wopuluʼu. Sümaashii na piamashiikana saʼünnüü, Rut sümaa Orpá. Anapejeʼe sümüin Noemí makatüin naya noumainpaʼa sümaa napüshi jee kasaalüinjanain naya nachikuaʼa jee kachooinjanain naya. Nnojotsü jülüjain saaʼin Noemí sukuwaʼipa neʼe sümüiwaʼa. Süküjain namüin na saʼünnüükana naleʼejaainjanain nachikuaʼa nepialuʼumüin sümaʼanamüin nei. Oʼunajatü Noemí sümüiwaʼa. Yalayala aaʼinrü maʼin Noemí, ¿aashin müin? ¿Kaseetche naaʼinraka na saʼünnüükana? Aʼyalajüshii naya piamaleʼeya saalinjee Noemí, aleʼejaasü Orpá süchikuaʼa. Shiaka oʼunuin Rut sümaa Noemí.

Anuu sünüiki Rut sümüin Noemí: «Nnojo puchuntuin tamüin [...] tapütajatüin pia pümüiwaʼa. Oʼuneerü taya jalapünaale puʼunuin tapüleerua. Atunkeerü taya pümaa jalale aipaʼain paaʼu, tapüsheena na püpüshikana jee taʼwaajeechi chi Pümaleiwasekai wanaa pümaa. Ayateeriaʼaya taya suluʼu tü mma eere pojoitunuin waneʼereeya outapa taya, tojoituneetka püʼütpaʼa». Yalayala aaʼinrü maʼin Rut. Süküjain sümüin Noemí waneepiainjatüin shia sümaa jee niainjachin neʼe suʼwaajüin Jehová.

Oʼuna müsüjaʼa Rut sümaa Noemí Israelmüin. Shiiʼiratüin sukuwaʼipa, süpütüin süpüshi otta namaleiwase na moabitakana. Süntapa Noemí Belénmüin, naponojuin shia na wayuukana süka waneejatüin maʼin shia. Süküjaka namüin nüsütüin Jehová suulia tü kasa eejatkat sümaʼana otta müliain maʼin shia. Eesüjaʼa mojule saaʼin Rut sutuma tü sümakat Noemí süka sükaalinjain maʼin shia. Nnojotsü süküjain tü Bibliakat saashichijaain Rut sutuma tia sümakat Noemí, ayatapejeʼe shia sümaa. Aʼyataasü Rut sümaa Noemí sünain aʼlunjaa süchon aʼttiee. Naaʼinrüin tia süpüla eeinjatüin namaʼana tü kasa choʼujaakat namüin.

Eejachika wanee wayuu eʼraka Rut sünain aʼlunjaa süchon tü aʼttieekat. Wayuukai chia, nia Boaz, wayuu washirü, anoujashi nünain Jehová. Süchon nia Rahab. Nüsakitka sünain Rut jaralüin maʼin shia. Naapaka süchiki tü saaʼinrakat süpüleerua Noemí. Nüküjaka sümüin mapa anain maʼin tü saaʼinrakat saaʼujee sunoujain nünain Jehová jee suchuntuin kaalinwaa nümüin. Nümaka namüin na wayuu aʼyataashiikana nnojoluinjatüin nekeʼejüin saaʼin.

Shiasaʼa soʼu aikat tia, süküjaka Rut sümüin Noemí kamaneein maʼin Boaz sümüin, talataka saaʼin Noemí. Jülüjasü saaʼin eein süpüla kasaalüin Rut nümaa Boaz süka nüpüshin nia Elimélec, chi suʼwayuusekai Noemí. Nüküjain paala Maleiwa sükaalinjünüinjatüin wanee wayuu eekai outuin suʼwayuuse maʼaka saaʼin Rut. Outule suʼwayuuse wanee wayuu, nüküjain Maleiwa niisalüinjachin sümüin nüpüshi chi suʼwayuuse outushikai. Kachonle Boaz sümüin Rut, eʼnnaajünüinjachi nia suluʼu nüikeyuuin Elimélec, nnojoleetkalaka amüloulin niʼiruku Elimélec (Deut. 25:5, 6). Süküjaka Noemí sümüin Rut tü saaʼinrajatkat.

Anasü sümüin Rut tü süküjakat Noemí sümüin mayaainjeʼe waneejatüin maʼin sümüin tia akuwaʼipaakat. Shiasaʼa soʼu aikat tia, oʼunusü shia eere suwaajünüin süchon tü pünajütkat. Atunkapuʼushii yala na tooloyuukana süʼütpaʼa süchon tü pünajatü awaajünakat. Arütkaachonsüjeseʼe Rut nünainmüin Boaz. Sujutalaka saajuna nuuʼui, sujuleraaka naʼatoʼu. Shiasaʼa nüchijiraapa Boaz süküjaka nümüin süchiki tü nuluwataakalü anain Maleiwa jee sümaka nümüin niyaʼlajüinjatüin shia. Eesüjaʼa niʼrüle Boaz mmoluwaain maʼin saaʼin Rut. Ponusü maʼin naaʼin yalayalain saaʼin, alin maʼin Jehová süpüla otta Noemí. Nüküjaka sümüin kasaaleechin nia sümaa. Nünaʼlüinjatü palajana müleka eere süpüla kasaalüin nia sümaa.

Waneemüin kaʼi süchikijee tia, oʼunushi Boaz namaʼanamüin na laülaashiikana chayaa Belén süpüla kasaalüinjachin nia sümaa Rut wanaapünaa sümaa tü nuluwataakalü anain Maleiwa. Kasaatka nia sümaa Rut, kachonka nia sümüin. Obed nünülia chi nachonkai. Aishi maʼin süpüla Noemí chi sülüinkai. Atuushiishi Obed nutuma David. Kojuya juya süchikijee tia, nutuushishi nia chi Mesíaskai (Mat. 1:5, 6, 16). Anasü sukuwaʼipa Noemí otta sukuwaʼipa Rut nutuma Jehová süka wayuuin yalayala aaʼinchii naya.

Paashajeʼera pütchikat suluʼujee tü Bibliakat

• Rut 1:1–4:22

Yooto waya süchiki tüü:

¿Kasa saaʼinraka Noemí otta Rut sutuma yalayalain maʼin saaʼin?

1. 2. ¿Jamüsü watüjaakaʼa saaʼu nnojoluin sürütkaain Rut nünainmüin Boaz shiiʼiree süinkaain neʼe nümaa? (ia 47 püt. 17, 18).

   Püshaja susoutia

2. 3. ¿Kasa watüjaka nüchiki Boaz sünainjee «tachonchee» nümüin sümüin Rut? (Rut 2:8; w16.11 3).

   Püshaja susoutia

3. 4. Sükajee kasaalüin Boaz sümaa Rut, ¿jamüshi kamaneʼereeka nia nuulia chi wayuu «Waʼle» sümakai amüin tü Bibliakat? (w23.03 14). 2

   Püshaja susoutia

   

Paaʼinrajatka süpüla yalayalain paaʼin

• Tütüsü maʼin Rut sünain aʼyatawaa otta kojutusü kasa sümüin. ¿Kasa waaʼinrajatka süpüla washatüin sukuwaʼipa choʼujaale nneerü wamüin? 3

  Püshaja susoutia

  

• Akaalinjünüsü Noemí sutuma Rut jee atütüleʼennüsü saaʼin wanaa sümaa mojuin maʼin saaʼin, anasü sümüin Noemí sükaalinjünüin sutuma Rut. ¿Kasa watüjaka sünainjee nakuwaʼipa naya piamashiikana jieyuu?

  Püshaja susoutia

• ¿Kasa amaa paaʼinrajatka süpüla yalayalain paaʼin maʼaka yalayalain saaʼin Noemí otta Rut?

  Püshaja susoutia

Pütüjaka nüchiki Jehová

• ¿Kasa tatüjaka nüchiki Jehová sünainjee pütchikat tüü?

  Püshaja susoutia

• ¿Kasapülajatche nüshajiraka Jehová suluʼu tü Bibliakat tü tekirajaaitpakalü anain?

  Püshaja susoutia

• ¿Kasa tasakireetka anain Noemí sümaa Rut nasoʼiraapa aaʼin nutuma Jehová?

  Püshaja susoutia

Sooʼomüin tü pütüjaainjatkalü aaʼu

¿Kasa watüjaka sünainjee tü aijirawaa aküjünakat süchiki tü karaloʼutakat Rut? ¿Kasa waaʼinraka süpüla aijiraainjanain waya?

«Ayata miyoʼuin naalin wapüla na wawalayuukana» (w21.11 8-13)

Süpüla shiimainjatüin jümüin tü jikirajaakalü achiki, jikirajaa sükajee tü kanüliakat «Tekirajaainjanaka achiki suluʼujee tü Bibliakat».

«Kamaneesü maʼin Rut» (ijwis ekirajaaya 12)