Nekeraajüin nanüiki mayaainjeʼe kapüleein shia namüin

NNOJOTSÜ anain nakuwaʼipa na israelitakana. Ooʼulaashii naya suulia anoujaa nünain Jehová, nuuʼulaaka Jehová müliain naya natuma na ammoniitakana soʼu 18 juya (Juec. 10:8). Nayaawajaaka suulia naainjala na israelitakana. Nasoʼlojuin shiyaakua tü namaleiwaseyaasükat. Naleʼejaka nachikuaʼa nünainmüin Jehová. Shiasaʼa süchikijee tia, noutkajaaka na ammoniitakana süpüla nashutuin naaʼu na israelitakana.

Na laülaashii chajanakana Galaad, nachuntuin nümüin wanee wayuu kanüliakat Jefté nuʼunuinjachin namaa jee nekiipüʼüin nia sünain atkawaa. Aainjapuʼushii kasa mojusü nümüin Jefté na nuwalayuukana, eeshiijaʼa nayale na laülaashii chakana joo Galaad. Aʼluwataashi paala Jefté noulia. ¿Jashichikuʼu meeitche nia namüin saaʼujee tia? Süka nachuntuin kaalinwaa nümüin Jefté, ¿nnojoleenache nükaalinjain naya? Nükaalinjeena naya, anasü nümüin nüleʼejüin nüchikuaʼa jee nekiipüʼüin naya. Nukumajaka sukuwaʼipa süpüla anajiraain naya nümaa chi aluwataashikai naaʼu na ammoniitakana, chi achuntakai namüin na israelitakana naleʼejirüin tü mma nasütakat sünain atkawaa. Aluwataashi pütcheʼejana Jefté süpüla naküjain nümüin chi aluwataashikai nnojoluinjatüin nüleʼejirüin Jefté tia mmakat. Naküjainjatü na pütcheʼejanakana nükaalinjain Maleiwa na israelitakana süpüla makatüin napüla tia mmakat. Nayamülüin sünain atkawaa na wayuu kepiakana pejepünaa nanain. Macheʼeyaasai neʼe chi aluwataashikai, shia keeʼireeka naaʼin atkawaa.

Sümaʼainruʼu yapain Jefté süpüla atkawaa, nüpansaajüin nünüiki nümüin Jehová. Anuu nünüiki: «Takanajüle putuma na ammonitakana, taapeechi pümüin chi wayuu ojuʼitakai tapanapa taleʼejapa tepialuʼumüin süchikijee takanajüin na ammonitakana, meechi toʼutakai naaʼin jee meechi taʼajakai naaʼin chia wayuukai pümüin». Nnojotpejeʼe müin nünüiki Jefté süpaʼa mma. Eejatü tü nüpülainkat Jehová naaʼu wanaa sümaa nüküjain tia.

¿Shiache nüküjeeka achiki Jefté naʼajüinjatüin wanee wayuu nümüin Jehová? Nnojo. Mojusü nümüin Jehová saʼajünüle wayuu nümüin (Deut. 18:10, 12). Tü nüküjeekalü achiki Jefté shia naapüinjatüin nümüin Jehová tü wayuu ojuʼitaakat palajana nipialuʼujee. Naapüinjatü nümüin Jehová süpüla shiʼyataainjatüin waneepia nümüin. Eesüjaʼa shiʼyataainjatüle nümüin Jehová suluʼu tü aʼwaajüleekat chayaa Siló. Eesüjaʼa nütüjaale saaʼu Jefté kapüleejeerüin nümüin nikeraajüin tü nümakat süka waneesüin neʼe nümüin tü nüchonkat. Eesüjaʼa shieerüle ojuʼitaain palajana tü nüchonkat nipialuʼujee nüleʼejapa süchikijee atkawaa.

Choʼujaapejeʼe nümüin Jefté nükanajüin tü atkawaakat. Oʼunushijeseʼe nia namaa na nümaajanakana, yalayalasü maʼin naaʼin. Nakanajaka nutuma Jehová, nayamülüin na naʼünüükana. Ashutushii naya saaʼu 20 pueulo noumain na ammoniitakana. Wainma maʼin wayuu noʼutaka aaʼin wanaa sümaa tia.

Aleʼejüshi Jefté nipialuʼumüin süchikijee akanajaa. «Kasataalejeseʼe niain ojuʼitaain palajana tapanapa wanee tachepchia», eesüjaʼa maa sümüle naaʼin Jefté. Nnojoipejeʼe nüchepchiain chi ojuʼitaakai palajana nüpanapa. Shia ojuʼitaaka palajana nüpanapa tü nüchonkat. Ayonnojüsü sümaa sütaletüin tü kanüliakat pandereta. Niʼraiwaʼaya sujuʼitaain, nüchatajaaka nüsheʼin. «Mojusü maʼin taaʼin tachonchee, jama wattainjatüin pia toulia», nümakaʼa sümaa mojuin maʼin naaʼin.

Sütüjaa aaʼu tü nüchonkat Jefté tü saaʼinrajatkat sutuma naapüitpain nünüiki chi süshikai nümüin Jehová. Sütüjaa aaʼu shiʼyataainjatüin waneepia nümüin Jehová. Nnojoluinjatü shia kasaalüin jee nnojoluinjatü shia kachooin. Kapüleepejeʼe maʼin tia sümüin wanee jierü israelita. Anuu sünüiki nümüin chi süshikai sümaa yalayalain maʼin saaʼin: «Taata paapülejeʼeya pünüiki nümüin Jehová paaʼinra pümata taka tü püküjakalü achiki nümüin». Tü suchuntakat neʼe nümüin chi süshikai shia nuuʼulaain shia sülatirüin kaʼi namaa saʼaleewainyuu süka nnojoluitpain süpüla kasaalüin jee kachooin shia.

Atütüleʼennüsü saaʼin waneepia tü nüchonkat Jefté. Awaraijaʼawaishii saaʼu na majayünnüü israelitakana, naaʼinrapuʼuin tia juyawai. Yalayala aaʼinrü maʼin tü nüchonkat Jefté sümaa shiʼyataalüin nümüin Jehová. Anakajasaʼa maʼin aʼyatawaa nümüin Jehová suluʼu tü aʼwaajüleekat wanaa sümaa tia. Eeshijaʼa chajachire chi jintüikai Samuel suluʼu tü aʼwaajüleekat. ¿Ekirajünüshiche nia nüchiki Jehová sutuma tü nüchonkat Jefté? ¿Yootowaisüche shia nümaa süpüla ayatüin niʼyataain nümüin Jehová? Nnojotsü watüjaain saaʼu tia. Talatakajasaʼa maʼin saaʼin tü nüchonkat Jefté shikirajüle chi jintüikai Samuel, jama machooin shia. Watüjaa aaʼu eein shia waneepia nümaa Jehová. Wanaa sümaa shiʼyataain nümüin Jehová, eejana waneinnua wayuu aʼyataakana suluʼu tü aʼwaajüleekat aʼluwajiraakana nakuwaʼipa (1 Sam. 2:22). Nnojotpejeʼe saaʼinrüin tü naaʼinrakat naya wayuukana. Nnojotsü shia nünainpünaain wanee toolo saashin tü Bibliakat.

Nüshajüin Pablo mapa nünülia Jefté naʼaka na tooloyuu otta na jieyuu kanoulakana maʼin (Heb. 11:32). Anasü maʼin süpüla washatüin nukuwaʼipa Jefté sümaa tü nüchonkat. Wayuu yalayala aaʼinchii naya. Atkaashi Jefté napüleerua na anoujashiikana nünain Maleiwa. Akaalinjünüshi nia sutuma tü nüchonkat. Nekeraajüin nünüiki nümüin Jehová mayaainjeʼe kapüleein maʼin shia namüin.

Paashajeʼera pütchikat suluʼujee tü Bibliakat

• Jueces 10:15, 16; 11:1-40

Yooto waya süchiki tüü:

¿Kasa naaʼinraka Jefté otta tü nüchonkat sutuma yalayalain naaʼin?

Pikirajaa sooʼomüin

1. 1. ¿Jamüsü watüjaakaʼa saaʼu natkaain na ammoniitakana namaa na israelitakana shiiʼiree najaʼttirüin tü anoujaakat nünain Jehová? (it «Jefté» püt. 6). 1

   Püshaja susoutia

   

2. 2. Naapüin nünüiki Jacob nümüin Jehová. ¿Jamüsü wanaawakaʼa nukuwaʼipa Jefté nümaa Jacob? (it «Jefté» püt. 11).

   Püshaja susoutia

3. 3. ¿Jamüsü kapüleekaʼa maʼin nümüin Jefté nikeraajüin nünüiki? (w17.04 4 püt. 6).

   Püshaja susoutia

4. 4. Jemeishi chi jintüikai Samuel soʼutpünaa tü juyakat 1180 süpülapünaa wakalia. ¿Jamüsü watüjaakaʼa saaʼu chajatüle tü nüchonkat Jefté aʼyataain suluʼu tü aʼwaajüleekat wanaa sümaa chajachin chi jintüikai Samuel? (it «Jefté» püt. 2; paashajeʼera joujatüin sülatüin tia sünain tü pütchi kanüliakat «Nükalioʼu Enoc sünainmüinreʼeya nükalioʼu Samuel»).

   Püshaja susoutia

Paaʼinrajatka süpüla yalayalain paaʼin

• ¿Kaseetche naaʼinraka na tepichikana yalayarüle naaʼin nashi sümaa nei maʼaka naaʼin Jefté?

  Püshaja susoutia

• ¿Kasa naaʼinrüinjatka wanee anoujashi süpüla nütütüleʼerüin naaʼin na waneinnua maʼaka naaʼinrüin shia na majayünnüü atütüleʼerakana saaʼin tü nüchonkat Jefté? 2

  Püshaja susoutia

  

• ¿Kasa paaʼinrajatka süpüla yalayalain paaʼin maʼaka naaʼin Jefté otta tü nüchonkat?

  Püshaja susoutia

Pütüjaka nüchiki Jehová

• ¿Kasa tatüjaka nüchiki Jehová sünainjee pütchikat tüü?

  Püshaja susoutia

• ¿Kasapülajatche nüshajiraka Jehová suluʼu tü Bibliakat tü tekirajaaitpakalü anain?

  Püshaja susoutia

• ¿Kasa tasakireechika anain Jefté sümaa tü nüchonkat nasoʼiraapa aaʼin nutuma Jehová?

  Püshaja susoutia

Sooʼomüin tü pütüjaainjatkalü aaʼu

Maʼwayuusere pia, ¿kasa pütüjaka sünainjee sukuwaʼipa tü nüchonkat Jefté?

Piʼyataa maʼin nümüin Jehová maiwaʼaya pia maʼwayuusein (5:15)

Paashajeʼera nüchiki Jefté otta süchiki tü nüchonkat süpüla waneepiain pia nümaa Jehová.

«Aneerü nukuwaʼipa wayuu nutuma Jeʼwaa kanourale nia nünain» (w16.04 3-8)