Asakinnaka Anain

❑ ¿Kasa waaʼinrajatka waluwataanüle sünain ooʼulawaa suulia aküjaa pütchi?

Eeshii na pulusiia aluwataakana na wawalayuukana sünain ooʼulawaa suulia aküjaa pütchi, naashin, nnojoliishii oonooin sümüin tü nuluwataakat anain chi aluwataashikai. Sülatapa tia, shia anaka puʼunamaatüle sümaa piiʼiyatüin kojutüin naya pümüin (Mat. 5:41; Fili. 4:5). Nnojo pünoukteʼerüin pümüiwaʼa tü alatakat otta nnojo püʼülüjiraain namaa süchiirua tü kasa eekat süpüla paainjüin. Maka eere süpüla, püshaja sunuumerose nüpülaakain chi pulusiiakai otta sunuumerose tü laülaapia niʼyataakat aluʼu paainja tia sümaa anain pünüiki. Süchikijee, püküjamaata tia namüin na laülaashiikana otta naküjeetka süchiki tia sümüin Weteet. Nüchuntüle wanee shikiipüʼü piichi miyoʼu pujuʼitüinjachin suluʼujee tü piichikat paainjamaata shia otta püküja süchiki tia namüin na laülaashiikana. Kamaneere waya namüin na aluwataashiikana nnojoleena mojujiraain waya namaa (Pro. 15:1; Rom. 12:18).