Süpüshi tü wanüikinjatkat
Suʼttia shikirajia wayuu maatsoʼu soʼu palajatka saawanoʼu
«Wounejaweein pia sünain wanee outkajawaa aainjünüinjatka aaʼuriiroʼu 14. Soʼu kaʼikat tia, outkajaweena waya süpüla Sotuin Waaʼin ouktüin Jesuu waaʼu. Eeshii na wayuu outkajaakana soʼu kaʼikat tia süka kojutüin namüin tü naaʼinrakat Jesuu napüleerua. Akanasaʼa eeshii waneeinnua mojutkana amüin tia. ¿Jamüsüche anaka wakuwaʼipa waneʼewai wakua sutuma naapiraain Jesuu nikii waaʼu?» Puuʼulaa nusouktai. Piiʼiyata nümüin tü pütchi süsapoʼujeekat tü rewiisüta Aapiria Wayuu ojuʼitakat maatsoʼu. Otta pikiraja nia sünain tü palajatkat asakiraa jee paashajeʼera nümüin waneeshiaakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin nia sünain tü wanee asakiraakat.
Aapiria Wayuu Maatsoʼu 1
«Watta saalii wayuu asakiraka sünain jamüin nnojotka najaʼlajeʼerüin Maleiwa tü kasa mojusükat otta tü müliaakat. ¿Shiache sutuma maalin waya nüpüla? ¿Shiataapa sutuma choʼujaain weʼrüin wamüliala? ¿Jamüsüjaʼa pünüiki süchiki tia? [Puuʼulaa nusouktai. Paashajeʼera nümüin Juan 3:16, NM]. Wainma na wayuu aashajeʼerakana tü wersiikulokot süpüla neeʼiyatüin sünain alin waya nüpüla Maleiwa. Akatsaʼa nnojotsü nayaawatüin saaʼu jamüin anaka wakuwaʼipa sutuma naapajiraain nikii Jesuu waaʼu. Rewiisütakat tüü, aashajaasü süchiki jamüin nnojoleetka eein müliaa mapeena sutuma naapajiraain nikii Jesuu waaʼu.»
¡Despertad! Maatsoʼu
«Yootushiire waya namaa na wayuukana süchiki nnojoluin müin pansaakai saaʼin wersiikulokot tüü sutuma wayuu [paashajeʼera Génesis 1:1]. Wainma wayuu anoujaka sünain nukumajalain Maleiwa tü kasakalüirua süpüshuaʼa. Eepejeʼe waneeinnua nnojoliikana nanoujüin sünain müin shia ¿Jamüsüjaʼa pünüiki süchiki tia? [Puuʼulaa nusouktai.] Nnojotsü nanoujüin anain na wayuukana nukumajalain Maleiwa tü kasakalüirua. Süka jamüin, nekirajüin na shikiipüʼükana tü iküleesiakalüirua wanee kasa naatajatü suulia tü sümakat tü Wiwüliakat. Rewiisütakat tüü, aashajaasü süchiki jamüin wanoujüinjatka anain tü sümakat tü Wiwüliakat süchiki niain Maleiwa kakumalain kasa süpüshuaʼa.»