Piʼitaa paaʼin nünain Jeʼwaa jee paaʼinra tü kasa anasükat

«Nnojo puchunjain na aaʼinrakana kasa mojusü»

37:1, 2

• Nnojo mojuin paaʼin sutuma piʼrüin anain nakuwaʼipa na wayuu aaʼinrakana kasa mojusü. Jülüja paaʼin tü piʼyataainkat nümüin Jeʼwaa, tü püsaʼwateekalü amüin jee tü kasa anasü naapakat Jeʼwaa pümüin.

«Piʼitaa paaʼin nünain Jeʼwaa jee paaʼinra tü kasa anasükat»

37:3

• Piʼitaa paaʼin nünain Jeʼwaa, nükaaliinjeechi pia shapaale paaʼin, puʼtchejaale sümaa punoula otta nükaaliinjeechi pia süpüla waneepiainjachin pia nümaa.

• Piʼyataa maʼin sünain aküjaa pütchi süchiki Nuluwataaya Maleiwa.

«Talata maʼin paaʼin nümaa Jeʼwaa»

37:4

• Pükatala kaʼi süpüla paashajeʼerüin tü Wiwüliakat otta jülüja paaʼin tü sümakat süpüla piʼraajüinjachin maʼin Jeʼwaa.

«Püküja nümüin Jeʼwaa tü alatakat pümüin»

37:5, 6

• Pütüjaa saaʼu nümüliajeechin pia Jeʼwaa suʼunnaa sülatüin kasa mojusü pümüin.

• Ayata anain pukuwaʼipa jaʼitaichi apüleeruaanüin aaʼin pia müliain paaʼin atumawaa jee piperulajünüin.

«Nnojo püshapajaain aaʼin, paʼatapaja Jeʼwaa»

37:7-9

• Nnojo püshapajaain aaʼin süpüla nnojoluinjatüin mojuin paaʼin jee mojuin pukuwaʼipa nümaa Jeʼwaa.

«Na anamiakana namüinjeerü tü mmakat»

37:10, 11

• Piiʼirata pukuwaʼipa süpüla anamiain pia. Nnojo yaletüin paaʼin otta punouja nükaaliinjeechin pia Jeʼwaa müliale pia atumawaa.

• Pükaaliinja na puwalayuukana jee pümüliaja na mojukana aaʼin, püküja namüin süchiki tü kasa anasü nüntirajatkat Maleiwa soʼu palitchon kaʼi.