Eesü süpüla piʼrüin naʼanasia Maleiwa süpüla kaʼikat süpüshuaʼa
Jülüjataa paaʼin wanee mma eere nnojoluin eein atkawaa otta mojulawaa.
Jülüjataa paaʼin wanee mma eere nnojolin jaralüin ayuulin, eere nnojoluin eein müliaa jee outaa.
Jülüjataa paaʼin wanee mma eere nnojolin shapaain paaʼin jee jiwaʼatüin paaʼin.
Jülüjataa paaʼin wanee mma eere nnojoluin sukutkajaain tü mmakat otta eere nnojoluin eein wawai.
Chi Maleiwa kakumajalakai waya, nia kakumajalaka süpüshuaʼa tü kasa eekat saaʼu tü Mmakat. Nüküjain wamüin aneerüin maʼin wakuwaʼipa otta talateenain maʼin waya süpüla kaʼikat süpüshuaʼa. Nnojotsü alawaain tia.
Sünain tü wane pütchikalüirua, wekirajaajeerü anain tüü:
¿Aishiiche waya nüpüla chi Kakumajalakai waya?
¿Kasa nüküjeeka Maleiwa wamüin sükajee tü Nünüikikat?
¿Kasa naküjaka na nünüikimaajanakana Maleiwa süchiki tü kasa anasü naaʼinrüinjatkat Maleiwa süpüleerua wayuu?
¿Kasa naaʼinraka Maleiwa süpüla talatüin waaʼin maaʼutpünaa otta mapeena?
Wekirajaa palajana sünain tü kasa nukumajalakat Maleiwa, watüjaakalü aaʼujee alin maʼin waya nüpüla.