«Kojutüshi atumawaa chi suʼwayuusekai»

Anale maʼin sukuwaʼipa wanee jierü, kojuteechi atumawaa chi suʼwayuusekai. Jamüsüjaʼa soʼu nükalia chi aluwataashikai Lemuel, anale maʼin sukuwaʼipa nuʼwayuuse wanee wayuu, ennaajünüshi nia soʼuluʼu tü puettoʼukot (Pr 31:23). Kojutüshii atumawaa maaʼulu na laülaashiikana otta na aʼyataakana neʼipajee. Müleka kaʼwayuusere naya, aneerü sukuwaʼipa tü naʼyataainkat anale sukuwaʼipa naʼwayuuse otta sükaaliinjale naya (1Ti 3:4, 11). Aishii maʼin naya jieyuukana napüla naʼwayuuse otta napüla na wawalayuukana.

¿Kasa saaʼinrüinjatkat wanee jierü süpüla niʼyataainjachin chi suʼwayuusekai napüleerua na wawalayuukana?

• Sütütüleʼerüin naaʼin süka pütchi anasü (Pr 31:26).

• Nnojoluinjatü jashichin süka nükatalüin kaʼi süpüla niʼyataainjachin napüleerua na wawalayuukana (1Te 2:7, 8).

• Nnojoluinjatü kachiiruain saaʼin wainma kasa (1Ti 6:8).

• Nnojolinjachi süsakiijakuʼu sümüinjachin nia süchiki wanee kasa nnojotkat sütüjaainjatüin aaʼu (1Ti 2:11, 12; 1Pe 4:15).