¿Piyaawatüinche saaʼu tü nukuwaʼipakat Maleiwa?

Wanaa sümaa piʼrüin tü sünoʼukalüirua süsii wunuʼu, tü shüliwaikalüirua jee wanee cascada, ¿jülüjasüche paaʼin niain Maleiwa Kakumalain shia? Eʼraajünüsü nukuwaʼipa chi Maleiwakai sünainjee tü kasa nukumajakat (Ro 1:20, TNM). Wasakireʼerapa waaʼin sünain tü kasa weʼrakat, wayaawata aaʼu pülashin maʼin Maleiwa, alin waya nüpüla, kekiin maʼin nia, lotuin nukuwaʼipa otta asülajüi maʼin nia (Sl 104:24).

Sünainjee tü kasa nukumajakat Jeʼwaa, ¿kasa piʼrawaika sükaaluʼuwai tü kaʼikat? Jaʼitakajeʼe kepiale pia pueulopaʼa, eesü piʼrüle wüchii jee wunuʼulia. Jülüjale maʼin waaʼin tü kasa nukumajakat Jeʼwaa, nnojoleerü shapaain waaʼin sutuma wanee kasa alataka wamüin otta kooʼomüinjeerü wanoula sünain naaʼinmajeenain waya waneepia (Mt 6:25-32). Kachonle pia, pükaalinja naya süpüla nayaawatüin saaʼu nukuwaʼipa Jeʼwaa. Kojutule maʼin wamüin tü kasa nukumajakat Maleiwa, arütkaajeena maʼin waya nünainmüin (Sl 8:3, 4).

SÜCHIKIJEE JÜNAJÜIN TÜ VIDEOKOT TÜ KASA NUKUMAJAKAT MALEIWA SHIIʼIYATÜIN PÜLASHIN NIA: NUWARALA CHI KAʼIKAI OTTA SÜNOʼU TÜ KASAKALÜIRUA, JUSOUTA SHIʼIPAJEE TÜÜ:

• ¿Jamüsü naatawaika sünoʼu tü kasakalüirua sutuma tü kanüliakat pigmentos?

• ¿Jamüsü wainmaka sünoʼu wanee kasa sutuma tü kanüliakat iridiscencia?

• ¿Jamüsü naatawaika sünoʼu tü sirumatuʼukat?

• Sünainjee tü kasa nukumajakat Maleiwa, ¿kasa anaka maʼin anoʼu chaa eere kepiain pia?

• ¿Jamüshii wakatalüinjanaka kaʼi süpüla jülüjain waaʼin tü kasa nukumajakat Maleiwa?