Tü kasa anasü nnojotkat motuin naaʼin Maleiwa

Waʼyataapa nümüin Jeʼwaa, eeshii süpüla waainjain wainma kasa anasü soteenaka aaʼujee waya. Wanee wayuu eekai kachooin, sotusü naaʼin tü kasa anasü naainjakat na nüchonniikana. Müsia neʼe nukuwaʼipa Jeʼwaa, sotusü naaʼin tü kasa anasü waainjakat otta sotusü naaʼin kojutuin nia wamüin (Mt 6:20; Heb 6:10). Eesü tü kasa wountakat jee tü kasa isakat wachiki, wachajaainjatpejeʼe sukuwaʼipa süpüla waʼyataain nümüin Jeʼwaa, müle shia watuma, talateerü waaʼin (Gal 6:4; Col 3:23). Watta naalin wawalayuu aʼyataainnakana Weteet, kakaliairü müin tia. ¿Eeshii süpüla wakumajüin sukuwaʼipa süpüla waʼyataain Weteet? Isale wachiki tia, ¿eeshiiche süpüla watütüleʼerüin naaʼin wanee wawala süpüla niʼyataain chayaa? Müleka niʼyataale wanee wapüshi chaa Weteet, ¿eeshiiche süpüla wakaalinjain nia süpüla ayatüin niʼyataain chayaa?

SÜCHIKIJEE PÜNAJÜIN TÜ VIDEOKOT ANUU TÜ PAAʼINRAJATKAT SÜPÜLA PIʼYATAAIN CHAA WETEET, JUSOUTA SHIʼIPAJEE TÜÜ:

• ¿Jamüshi piʼyataweeka Weteet?

• ¿Kasa neʼraka waneinnua wawalayuu sünainjee naʼyataain Weteet?

• ¿Kasa achuntunaka nümüin wanee anoujashi niʼyataweere Weteet?

• ¿Kasa paaʼinrajatka süpüla piʼyataain chaa Weteet?