Atüjainjachi pia aküjaa pütchi: Paashajaa süchiki tü kamalainkat namüin

¿JAMÜSÜ CHOʼUJAAKA? Na anoujashii chainjanakana iipünaa jee na yaainjanakana yaa mmapaʼa, nounejaain na wayuukana süpüla nasüinjatüin «masaloui tü wüin katakalü atuma soʼu wayuu» (Alat 22:17, TNM). Tia wüinkat, shiyaawase süpüshuaʼa tü kasa naaʼinrakat Jeʼwaa süpüla taashinjatüin wayuu suulia kaainjalaa jee outaa. Süpüla wakaalinjain na wayuu naatakana akuwaʼipa jee na naatakana anoula, wachajaainjatü sukuwaʼipa süpüla kamalain namüin tü pütchi wekirajakalü anain naya waneʼewai nakua (Alat 14:6).

ANUU SUKUWAʼIPAINJATKA:

• Püneeka tü pütchi atanaleetkat naaʼin na wayuu kepiakana eere püküjain pütchi otta tü wetsiikulo paashajeʼerüinjatkat namüin. Püshata tia sünainjee tü wanüikinjatkat sünain aküjaa pütchi jee shiale tü pütchi kamalainkainka nümüin wanee wayuu püküjaka amüin pütchi. Paashajaapa sümaa wayuu, ¿kasa pütchi otta wetsiikulo kamalainjeetka sümüin? ¿Kasa saashajaaka maʼin achiki wayuu maaʼulu? ¿Kasa kamalainka namüin naashajaain achiki na tooloyuukana otta na jieyuukana?

• Yootopa pia namaa na wayuukana eere püküjain pütchi, jülüja paaʼin nakuwaʼipapala otta jamüin nasakia (2Co 6:3, 4).

• Piʼraajüle maʼin tü karaloʼutairua jee tü videoirua wekirajakalü aka wayuu, pütüjaajeerü aaʼu tü pütchi piiʼiyateetkat namüin na wayuu kamalainkana amüin tü pütchikat.

• Püdescargaaja tü karaloʼutairua jee tü videoirua suluʼukat tü anüikii saashajaakat wayuu eere püküjain pütchi.

• Yooto pia süchiki tü kamalainkat sümüin wayuu (1Co 9:19-23). ¿Jameetche pünüiki pütüjaale saaʼu sünaajaain nüpüshi chi wayuu püküjakai amüin pütchi?

SÜCHIKIJEE JÜNAJÜIN TÜ VIDEOKOT, JUSOUTA SHIʼIPAJEE TÜÜ:

• ¿Kasa pütchi nüküjaka chi wawalakai nümüin chi wayuukai?

• ¿Kasa alataka nümüin chi wayuukai?

• ¿Jarat tü wetsiikulo anakat süpüla shiiʼiyatünüin nümüin? ¿Jamüsü shiaka choʼujaain tia nümüin?

• Püküjapa pütchi sümüin wayuu, ¿jamüsü sukuwaʼipa putuma süpüla kamalain namüin tü pütchi püküjakat namüin?