KOROLO KOJUTUSÜ SULUʼUKA TÜ BIBLIAKAT

Waʼwaaja Jeʼwaa süka süpüshuaʼa waaʼin

Aʼyataashi Caleb nümüin Jeʼwaa süka süpüshuaʼa naaʼin jimaʼaliiwaʼaya nia (Jos 14:7, 8).

Wanaa sümaa laülaain Caleb, ayatüshia niʼitaain naaʼin sünain nükaalinjeechi nia Jeʼwaa süpüla nikeraajüin tü nuluwataakalü anain nia (Jos 14:10-12; w04-S 1/12 12 püt. 2).

Anasü maʼin nukuwaʼipa Caleb nutuma Jeʼwaa saaʼujee niʼyataain nümüin süka süpüshuaʼa naaʼin (Jos 14:13, 14; w06-S 1/10 18 püt. 11).

Kojuyasü ayaakua süchiki wanee wawala waneepiaka nümaa Jeʼwaa mayaainjeʼe laülaain shia. 1. Kajapuluʼusu shia wanee wunuʼu süpüla süikalaain jee suʼuraajüin nümüin Jeʼwaa. 2. Yalasü shia aküjain pütchi sümaa wanee wawala süka tü kareetachonkot. 3. Shiiʼiyatüin waneirua ayaakua namüin waneinnua tepichi outkajakana sümaa. 4. Talatüsü saaʼin süka shiʼitaain saaʼin nünain Jeʼwaa.

Niʼrüin Caleb wainma kasa anasü sutuma noonooin sümaa tü nuluwataakalü anain nia Jeʼwaa. Sutumajee tia, katchinsü nunoula. Aʼyataweeshii maʼin waya nümüin Jeʼwaa weʼrapa nusoutuin tü wachuntakat nümüin jee nuʼunirapa wakuwaʼipa (1Jn 5:14, 15).