Waneepiainjachi wanee wayuu sümaa nuʼwayuuse

Anale nukuwaʼipa wanee wayuu sümaa nuʼwayuuse, kojutushi Jehová namüin otta aijiraashii naya (Mr 10:9). Süpüla nuuntuin tia wanee wayuu naaʼinrüinjatü tü sümakat tü Bibliakat süpülapünaa nüneeküin nuʼwayuuse.

Anashi kamüraajüinre wanee wayuu kettaale nükalia süpüla kaʼwayuusee. Nnojorüle naaʼinrüin tia, mojeerü süneekia tü nuʼwayuuseinjatkat, jama suchuntaain neʼe naaʼin tü ainkawaakat (1Co 7:36). Pajayata pukuwaʼipa maʼwayuuseiwaʼaya pia süpüla aleewain pia nümaa Jehová otta süpüla punouteʼerüin pukuwaʼipa. Paaʼinrüle tia, aneerü pukuwaʼipa kaʼwayuusepa pia.

Süpülapünaa püneeküin kasaalüin pia sümaa wanee wayuu, anasü piʼraajüle palajana sukuwaʼipa (1Pe 3:4). Wainmajüle paaʼin sünain wanee kasa, paashajaa tia sümaa tü pümüraajüinkat. Anasü nukuwaʼipa wanee wayuu namaa na waneinnua kapürale naaʼin nakuwaʼipa suulia nukuwaʼipa, müsia neʼe sukuwaʼipa kaʼwayuusee (Flp 2:3-5). Paaʼinrüle tü sümakat tü Bibliakat süpülapünaa kaʼwayuusee, mapüleejeerü pümüin paaʼinrüin shia kaʼwayuusepa pia. Talateetkalaka paaʼin kaʼwayuusepa pia.

SÜCHIKIJEE JÜNAJÜIN TÜ VIDEOKOT PAAʼINRAJATKA SÜPÜLAPÜNAA KAʼWAYUUSEE. SHIʼIPA 3: JÜLÜJA PAAʼIN «JEʼRAINJATÜIN SUJUʼITAKA AAʼU», JUSOUTA SHIʼIPAJEE PÜTCHIKAT TÜÜ:

• ¿Jamüsü sukuwaʼipa tü wawalakat suʼttaiwaʼaya sünain amüraajirawaa nümaa Shane?

• ¿Kasa shiʼraka mapa saaʼu nukuwaʼipa chi sümüraajüinkai?

• ¿Kasa naaʼinraka na kachonshiikana süpüla nakaalinjain shia? ¿Kasa anasü süneekaka?