Waaʼinrajatka suulia shapaain maʼin waaʼin weʼrapa choʼujawaa

Kapüleesü maʼin sukuwaʼipa mmapaʼakat maaʼulu yaa, shialeekajaʼa süka sülüʼülüin tü kaʼi sajaʼttajatkalü oʼu tü kasa mojusükat. Eepejeʼe süpüla choʼujaain wamüin waneirua kasa (Hab 3:16-18). ¿Kasa waaʼinrajatka suulia shapaain maʼin waaʼin weʼrapa choʼujawaa? Shia weʼitaainjatüin waaʼin sünain nükaalinjeenain waya Jehová. Naapüin nünüiki sünain naaʼinmajeenain na naʼaleewainkana otta naapeerüin tü choʼujaakat wamüin jaʼitasü kasain alatüin (Sl 37:18, 19; Heb 13:5, 6).

¿Kasa eeka süpüla paaʼinrüin?

• Puchunta maʼin nümüin Jehová nuʼuniraiwa pukuwaʼipa süpüla naapüin pümüin kekiwaa jee süpüla nükaalinjain pia (Sl 62:8).

• Paapaa wanee aʼyatawaa mayaainjeʼe eeʼiwalin piʼyataain sünain tia (g 1/10-S 8, 9, tü piamasü pütchi süttakat).

• Paaʼinmaa maʼin tü katchinkalü atuma punoula, maʼaka saaʼin paashajeʼerüin tü Bibliakat weinshi, puutkajaain jee püküjain pütchi.

SÜCHIKIJEE JÜNAJÜIN TÜ VIDEOKOT TÜ PAAʼINRAJATKAT SÜPÜLA ANAIN SUKUWAʼIPA PÜPÜSHI WANEEPIA. TALATA JAAʼIN «SÜMAA TÜ EEKAI EEIN JÜMAʼANA», JUSOUTA SHIʼIPAJEE TÜÜ:

• ¿Kasa kapüleeka namüin naya wawalayuukana?

• ¿Kasa waaʼinmaainjatka maʼin?

• ¿Kasa waaʼinrajatka süpüla wakaalinjain na eʼrakana choʼujawaa?