KOROLO KOJUTUSÜ SULUʼUKA TÜ BIBLIAKAT

Jülüjasü naaʼin Jehová waneepia tü alatakat suluʼu tü aʼwaajüleekat

Anasü nümüin Jehová nuʼwaajünüin suluʼu tü piichi aʼwaajülee nukumajakat Salomón (2Cr 7:11, 12).

Jülüjasü naaʼin Jehová waneepia tü alatakat suluʼu tü piichi aʼwaajülee nünüliamaakat (2Cr 7:16; w02-S 15/11 5 püt. 1).

Nooʼulaale na israelitakana suulia naʼwaajüin Jehová süka süpüshuaʼa naaʼin, nuuʼulaajeerü Jehová sajaʼttinnüin tü aʼwaajüleekat (2Cr 6:14; 7:19-21; it-2-S 1098 püt. 3).

Kojuyasü ayaakuaa: Waneinnua wawalayuu aaʼinrakana kasa naatawai süpüla naʼwaajüin Jehová. 1. Oʼuraajüshi wanee wawala. 2. Asoutusü wanee wawala shiʼipajee tü pütchi asakinnakalü anain sünain tü outkajawaakat. 3. Wanee wawala sümaa nuʼwayuuse sünain aküjaa pütchi. 4. Wanee wawala epitajakai tü Piichi Outkajaaleekat. 5. Wanee wawala sümaa nuʼwayuuse otta namaa piamashii nachonnii soʼu tü kaʼi naʼwaajakalü oʼu Maleiwa. 6. Wanee wawala aashajeʼeraka tü Bibliakat. 7. Wanee wawala ejitaka nneerü suluʼu tü kojonkot.

Kettaapa tü piichi aʼwaajüleekat, jülüjasü naaʼin na israelitakana naʼwaajeechin Jehová waneepia süka süpüshuaʼa naaʼin. Nnojotpejeʼe müin tia, amalajaashii naya shiʼipaʼaya sünain aʼyatawaa nümüin Jehová.

PÜSAKIRA PAAʼIN: «¿Kasa taaʼinrajatka süpüla jaʼyain taaʼu taʼwaajüin Jehová süka süpüshuaʼa taaʼin?».