WAKUWAʼIPA SÜNAIN ANOUJAA
Kekiijeere waya, waashajeʼera tü Bibliakat soʼukaiwai
Tü kekiwaa nümaʼanajeejatkat Maleiwa müsü aka saaʼin wanee korolo ousütünüinjatka anain (Pr 2:1-6). Sutuma tia kekiwaakat, atüjashii waya süpüleerua tü kasa waneekakat jee saaʼinmajüin waya. Müsüjeseʼe süküjain tü Bibliakat waaʼinmaainjatüin tia kekiwaakat (Pr 4:5-7). Süpüla wousütüin sünain pütchi anaka maʼin suluʼujee tü Nünüikikat Maleiwa, aʼyataainjana waya süchiirua maʼaka waʼyataain süchiirua wousütüin sünain wanee korolo. Süpüla wountuin tia, waashajeʼerüinjatü tü Bibliakat soʼukaiwai (Jos 1:8). ¿Kasa waaʼinrajatka süpüla kamalain wamüin waashajeʼerüin tü Bibliakat soʼukaiwai?
SÜCHIKIJEE JÜNAJÜIN TÜ VIDEOKOT JIMAʼALII JEE MAJAYÜNNÜÜ KAMALAINKANA AMÜIN AASHAJEʼERAA TÜ BIBLIAKAT, JUSOUTA SHIʼIPAJEE TÜÜ:
¿Jamüsü kapüleeka namüin naya jimaʼaliikana jee na majayünnüükana naashajeʼerüin tü Bibliakat soʼukaiwai? ¿Kasa naaʼinraka süpüla kamalain namüin naashajeʼerüin tü Bibliakat?
Melanie
Samuel
Celine
Raphaello
TÜ OORA TAASHAJEʼERAWALINJATKALÜ OʼU TÜ BIBLIAKAT: