Püküja pütchi sükajee tü eʼitaanakat suʼttianainjee tü paajinakat jw.org

Suʼttianainjee tü paajinakat jw.org eesü pütchi jee video kamalainjeetka namüin na wayuu achekakana nekirajaain nüchiki Maleiwa (Alu 13:48, TNM). Ojuʼitawaisü yala pütchi süchikimaajatka noticia alataka sainküin mma jee sütüjaweeka maʼin aaʼu wayuu.

¿Kasa paaʼinrajatka süpüla püküjain pütchi sükajee tia?

• Paashajeʼera tü ojuʼitawaikat suluʼu jw.org. Pünaʼla sümüin tü pütchi eʼitaanakat suluʼu «Piʼrüinjatka palajana». Jülüja paaʼin tü paaʼinrajatkat süpüla püküjain pütchi sükajee (süpüla pünaʼlaain sooʼomüin tü pütchi eʼitaanakat jekenainka, piʼitaa clic eere sümüin «Pünaʼla sooʼomüin»). Jalouijeerü pümüin tia süpüla püküjain shia sümüin wayuu.

• Paashajaa sümaa wayuu sükajee tü pütchi jee tü video eʼitaanakat suʼttianainjee tü paajinakat jw.org. Sükajee tia, eesü süpüla pütüjaain saaʼu kasain shapaain atuma saaʼin wayuu.

• Piiʼiyata sümüin wayuu tü eʼitaanakat suʼttianainjee tü paajinakat jw.org. Piiʼiyata waneirua pütchi saʼakajee tia otta piiʼiyata tü aainjünüinjatkat süpüla süchajaanüin pütchi.

• Puluwataa wanee enlace. Eeshii wayuu mamalainkana amüin aashajawaa wamaa. Kamalainpejeʼe namüin nachajaain pütchi suluʼu jw.org. Anakalaka süpüla puluwataain wanee enlace sümüin wanee wayuu süpüla shiʼrüinjatüin tü eʼitaanakat suʼttianainjee tü paajinakat jw.org jee shiale süpüla shiʼrüinjatüin wanee pütchi jee wanee video.