SUNOUTEʼERÜIN SUKUWAʼIPA WAYUU TÜ BIBLIAKAT

Nanta anainrü wanee kaaʼürüi kojutusü maʼin

Nikirajüin Jesús sunoutaajeerüin tü kasa müliakalü atumaa saaʼin wayuu nuluwataapa Maleiwa (Mateo 6:10). Suluʼu Mateo 13:44-46 nüküjain Jesús piamasü shiyaawase ayaawatünaka anainjee kojutuin maʼin Sukuwaʼipa Aluwatawaa nutuma Maleiwa.

Kojuyasü ayaakua: Piamashii wayuu nüküjaka achiki Jesús. 1. Wanee wayuu opotokai sünain wanee yüüja jee ponusü naaʼin tü nüntakalü anain. 2. Najapuluʼusü wanee wayuu wanee kaʼürüla jee talatüsü naaʼin sutuma.

Aʼyataashi wanee wayuu sünain wanee yüüja, nüntakalaka sünain wanee korolo kojutusü ojoitünaka paala.
Wanee wayuu achajaakai süchiki kaaʼürülairua eekai anasüin, nüntüin sünain wanee kaʼürüla anasükat maʼin sünain kojutuin shia.

Na piamashiikana wayuu noiküin tü namaʼanakat süpüla nayaʼlajüin tü korolo kojutusükat maʼin. Naya wayuukana nayaawase na wayuu kojutukana amüin Sukuwaʼipa Aluwatawaa nutuma Maleiwa jee aainjashii wainma kasa süpüla neʼrüinjatüin kasa anasü sünainjee tia aluwataayakat (Lucas 18:29, 30). Sünain videokot tüü piʼreerü nakuwaʼipa piamashii wayuu makana aka naaʼin na wayuu nüküjakana achiki Jesús.