Wanee tottoot shikiipüʼükai pitaat chaa Estados Unidos nüküjain mojeerüin nakuwaʼipa na jimaʼaliikana jee na majayünnüükana sutuma redes sociales | ¿Jamüsüche sünüiki tü Bibliakat süchiki tia?

Maayoʼu 23 soʼu 2023, nüküjain chi shikiipüʼükai pitaat chaa Estados Unidos, mojuin maʼin nakuwaʼipa na jimaʼaliikana jee na majayünnüükana sutuma tü kanüliakat redes sociales.

• «Eesü süpüla anain namüin na tepichikana, na jimaʼaliikana jee majayünnüükana tü kanüliakat redes sociales, eepejeʼe süpüla ayuulin naya suluʼu nekii sutuma jee mojuin nakuwaʼipa» (Social Media and Youth Mental Health: The U.S. Surgeon Generalʼs Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023).

Na wayuu atüjakana süpüleerua tia, naküjain eejüinjatüin waaʼin.

• Na jimaʼaliikana jee majayünnüü eekana 12 nouyase sünainmüin 15 nouyase «alatirakana suulia 3 oora suluʼu redes sociales, eeshii süpüla ayuulin naya suluʼu nekii sutuma, mojuin naaʼin otta shapaain naaʼin».

• Na jimaʼaliikana jee majayünnüü eekana 14 nouyase «alatirakana wainma oora suluʼu redes sociales, nnojoishii naya atunkuin maʼin, eimmolojoonüsü naaʼin suluʼupünaa internet, mojusü naaʼin saalinjee aneein nayolojo, nnojoishii kasain anain apüla naya naashin otta mojuwaisü naaʼin. Naya alataka maʼin amüin tia na majayünnüükana».

¿Kasa naaʼinrajatka na kachonshiikana süpüla naaʼinmajüin nachonnii suulia tia? Aküjünüsü suluʼu tü Bibliakat pütchi akaalinjeenaka naya.

Tü eekat süpüla naaʼinrüin na kachonshiikana

Pütüjaainjatü aaʼu tü alatakat namüin. Na kachonshiikana natüjaainjatü aaʼu anale jee mojule suluʼuinjachire redes sociales chi nachonkai.

• Tü sümakat tü Bibliakat: «Pikiraja püchon wanaajiraa sümaa tü wopu kaluʼuinjachikat nia» (Proverbios 22:6).

• Pütüjeere sooʼomüin paashajeʼera tü pütchikat «¿Deberían mis hijos usar redes sociales?».

Puuʼulaale na püchonniikana eein namaʼana redes sociales, jülüja paaʼin kasain nanajüin suluʼu jee yala pia namaa nekerotuinjanale sünain. ¿Jamüinjatü sukuwaʼipa putuma?

Paaʼinmaja püchonnii suulia tü eekat süpüla amojujaain nakuwaʼipa. Pikiraja na püchonniikana süpüla nayaawatüin saaʼu tü eekat süpüla amojujeʼerüin nakuwaʼipa jee süpüla nayoutuin shia.

• Tü sümakat tü Bibliakat: «Nnojoliireejaʼa jia aashajaainjanain süchiki aʼluwajirawaa akuwaʼipaa, süchiki wanee kasa eeka yarüttüin jee süchiki keeʼirewaa aaʼin naata kakorotshi [...]. Nnojo jiʼrayaain sümüin jukuwaʼipa suulia jiʼrüin japülii, anashii jiyaawatüle saaʼu jünüiki otta nnojo jimeeʼerajaain süka pütchi eekai yarüttüin, jama mojuin tia makat» (Éfeso 5:3, 4).

• Süpüla pütüjain saaʼu kasa maa eeka süpüla paaʼinrüin, paashajeʼera tü pütchikat «Enséñele a su hijo adolescente a usar con seguridad las redes sociales».

Püküja jeʼrainjatüin namaa sünain. Eesü süpüla püküjain namüin na püchonniikana jeʼrainjatü oora namaa sünain redes sociales otta joujainjanain naya ekerotuin sünain.

• Tü sümakat tü Bibliakat: Eejeekalaka jaaʼin [...] wayuuinjana kekiishii jia. Anasü shiale jülatirüin anain kaʼi tü kasa eekai anain» (Éfeso 5:15, 16).

• Pikiraja na püchonniikana süka tü tablero ekirajaka taya «Suluʼuinjachire pia redes sociales, eeja maʼin paaʼin» süpüla nayaawatüin saaʼu tü naaʼinrüinjatkat suluʼuinjanale naya redes sociales.