9 Eeshii waneeirua eekai ayoujain tü taʼyataainkat nümüin Cristo. Anii taya asouktüin jooluʼu shiʼipajee tü namakat tachiki: Mayaainje nnojolin eejachin taya nümaa chi Wasenyotsekai Jesucristo maa aka na polookana piammüin Aluwataaushikana, shiimüinpaja sünain teʼrüin nia. Je sünainjee takaaliijain jia sünain ekeroloo sünain anoujaa nünain chi Senyotkai, jütüjaa aaʼut sünain shiimüin tayain wane Aluwataaushikai. Je laülaashi taya tamüiwa sünain tü taʼyataainjatkat nümüin chi Maleiwakai.