24 9:24-25 Soto jaaʼin nukuaippa wane wayuu ayoujiraai. Süpülapünaa tü kaʼi niyoujiraainjatkat oʼu, ekiʼrajaashi waneepia süpüla kalainjachin nia. Je sünain tü ayoujirawaakat, awataashi nia süka süpüshua nütsüin shiiʼiree nükanajeein wane kasa. Otta tü nükanajüinjatkat sünain awatawaa, ajaʼtteerü maalü. Akaajasa tü wakanajeetkat waya anoujashiikana, matüjainsat ajaʼttaa. Je sükajee tia, jiʼyataa jümaala nümüin chi Maleiwakai süka süpüshua jaaʼin süpüla juwalaajüneenain soʼuweena wane kaʼi nütüma.