8 Je soʼuweena tü kaʼi wasouktüinjatkat oʼu nümüin Maleiwa sooʼopünaa süpüshua tü kasa waaʼinrapüʼükat kataiwaʼaya woʼu, awalaajüneechi taya saaʼu taaʼinrüin waneepia tü kasa anasü nüchekakat tapüleerua. Awalaajüneechi taya nütüma chi Senyotkai Jesucristo, chi lotokoi akuaippa sünain kasalajanaa atüma saainjala wayuu sümüin. Nnojoleechi tayain neʼe tamüiwa awalaajünüin. Meenaʼa napüshua na anoujashiikana aʼatapajakana Cristo sünain niweetüinjachin nüchikua.