Noota

c Naashin waneinnua wayuu atüjashii, naya wayuukana napansaajüin nanüiki süpüla nazareoin naya (Núm. 6:1-21). Naapapuʼuin wanee wayuu nünüiki nümüin Maleiwa eeiwaʼaya tü Pütchi Aapünakat nümüin Moisés, eesüjaʼa jülüjale naaʼin Pablo anain nekeeraajüle naya wayuukana tü nanüikikat nümüin Jehová. Müsüjeseʼe nnojoluin mojuin nümüin Pablo nuwalaajüin tü choʼujaakat namüin naya wayuukana jee nuʼunuin namaa suluʼumüin tü aʼwaajüleekat. Nnojotsü watüjaain aaʼu jamüin nanüiki naya wayuukana nümüin Maleiwa naapaiwaʼaya nanüiki nümüin. Nnojoishije oʼunuin Pablo namaa naya wayuukana noʼutajatüle saaʼin wanee mürüt süpüla motuin naaʼin Maleiwa naainjala, mapuʼusü sukuwaʼipa tia natuma na nazareokana. Nnojoishije oʼunuin Pablo namaa süka nnojoluitpain kaawain tia saaʼujee naapajiraain nikii Jesús saaʼu saainjala wayuu. Mayaainjeʼe nnojoluin watüjaain saaʼu kasain maʼin alatüin soʼu tia, shia pansaaka wamüin nnojoluin naaʼinrüin Pablo wanee kasa mojeetka atuma naaʼin.