Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa
NOWIENPÜROʼU 4-10
KOROLO KOJUTUSÜ SULUʼUKA TÜ WIWÜLIAKAT | 1 JUAN 1-5
«Nnojo keejiain wamüin tü kasa mojusü naaʼinrakat na manoujainsaliikana»
w05-S 1/1 10 püt. 13
Washata nukuwaʼipa Jesuu
13 «Süpüshuaʼa tü kasa eekat saaʼu tü mmakat, nnojotsü mojuin shia», eeshii na makana. Mayaapejeʼe shiimain tia, eejüinjatü waaʼin suulia kamalainjüin wamüin tü keejiakat namüin na manoujainsaliikana, ooʼulaajeena waya suulia aʼyatawaa nümüin Jeʼwaa sutuma. Tia keejiakat namüin, nnojoleena sürütkeʼerüin waya nünainmüin Jeʼwaa. Jamüsüjaʼa kojutule maʼin wamüin tü keejiakat namüin na manoujainsaliikana, eesü süpüla sumojujaain wakuwaʼipa sutuma jaʼitakajeʼe nnojorüle mojuin tia kasa keejiakat namüin (1 Timoteo 6:9, 10). Wainmaleesia maʼin tü kasa keejiakat namüin manoujainsaliikana suulia tü kasa anakat noʼuluʼu Jeʼwaa, eesü süpüla sumojujaain wakuwaʼipa sutuma. Jamüshiijaʼa wananajüle peliikula jee shiale wanee programa eere jaʼyain sütkaajiraain wayuu, eere jaʼyain kachiirua aaʼin tü washirüükat, amaʼüjirawaa akuwaʼipaa, eesü süpüla anajüin shia wamüin jee waaʼinreerü shia. Namaakuʼu namüle waya wayuu aʼyataweekana sooʼomüin süpüla wainmainjatüin kasa namaʼana, eesü süpüla kamalain wamüin müin wakuwaʼipa (Mateo 6:24; 1 Corinto 15:33, TNM).
Püchajaa süchiki kaaʼürüi suluʼu tü Wiwüliakat
it-2-S 635 püt. 8
Motoo aaʼin aainjalaa
Choʼujaasü wachuntuin nümüin Maleiwa motuin naaʼin naainjala na waneinnua maʼaka naaʼin naainjala napüshuaʼa na wawalayuu suluʼukana tü outkajaaleekat. Shia tü naaʼinrakat Moisés napüleerua na israeliitakana, nüküjain nümüin Jeʼwaa naainjala na israeliitakana jee nuchuntuin nümüin motuinjatüin naaʼin tü naainjalakat. Sutuma müin shia nutuma, nülatirüin Jeʼwaa naainjala na israeliitakana (Nú 14:19, 20). Wanaa sümaa kettaain tü miichi eere nuʼwaajünüin Jeʼwaa, oʼuraajüshi Salomón nümüin Jeʼwaa süpüleerua tü Nupueulosekat süpüla motuin naaʼin tü naainjalakat jee nooʼulaainjanain suulia (1Re 8:30, 33-40, 46-52). Nüküjain Esdras noʼupala na wayuukana tü naainjalakat na judío aleʼejakana noumainpaʼa. Süka nüküjain nümüin Jeʼwaa süpüshuaʼa tü alatakat jee nüküjain namüin na wayuukana tü naainjainjatkat, ouyantüshii naya suulia naainjala jee nülatirüin Jeʼwaa tü naainjalakat noulia (Esd 9:13–10:4, 10-19, 44). Nüküjain Santiago namüin na ayuuikana sünain nanoula, neenajirüinjanain na laülaashiikana suluʼu tü outkajaaleekat süpüla nachuntüin nümüin Maleiwa naaʼu jee «müleka kaainjarale nia, alatinneerü tü naainjalakat nuulia nütüma» (Snt 5:14-16). Eesü wanee aainjalaa outajaikai aaʼujee wanee wayuu, tia shia kaainjarale wanee wayuu nümüin chi naaʼinkai Maleiwa. Nnojotsü süpüla sülatinnüin tü naainjalakat nuulia süka naaʼinrüin shia sümaa nütüjaain saaʼu mojuin shia. Nnojoishi oʼuraajüinjachin wanee anoujashi nüpüleerua wanee wayuu makai akuwaʼipa (1Jn 5:16; Mt 12:31; Heb 10:26, 27; paashajeʼera ESPÍRITU; PECADO).
NOWIENPÜROʼU 11-17
KOROLO KOJUTUSÜ SULUʼUKA TÜ WIWÜLIAKAT | 2 JUAN 1-13; 3 JUAN 1-14–JUDAS 1-25
«Eejiraainjana waya süpüla ayatüin wachecheraain sünain tü shiimainkat»
w04-S 15/9 11, 12 püt. 8, 9
«Anakaja müleka katsüinre jia waneepia sükajee nütsüin chi Senyotkai»
8 Nnojotsü mochoojuin woʼu tü nimeejakalü aka wayuu Satanaa, süküjain tü Wiwüliakat tü kamalainkat nümüin süpüla saainjain wayuu (2 Corinto 2:11, TNM). Müliasü naaʼin Job nutuma chi Yolujaakai, najaʼttirüin nuwashirüin, nuʼuta aaʼinna nüchonnii, apüleeruaanüsü naaʼin natuma na nüpüshikana, ayuuishi nia otta mojusü nanüiki nüchiki Job na aleewayaakana nümaa. Mojusü maʼin naaʼin Job sutuma tia alatakat nümüin otta jülüjasü naaʼin nnojoluin kasajachin nia nümüin Maleiwa (Job 10:1, 2). Mayaapejeʼe nnojoluin niain Satanaa kasirüin süpüshuaʼa tü mülia weʼrakat maaʼulu, müliasü naaʼin na wawalayuukana sutuma tia maaʼulu yaa, eesü süpüla nüchajaain sukuwaʼipa Satanaa süpüla nümalajeʼerüin nanoula na wawalayuukana sükajee tia.
9 Akooʼomüinraasü maaʼulu yaa tü eekat süpüla amalajeʼerüin tü wanoulakat. Tü jülüjakat maʼin saaʼin wayuu maaʼulu yaa, shia washirüinjanain naya suulia neʼraajüinjachin Maleiwa. Tü aʼluwajirawaakalü akuwaʼipaa, shia wanee kasa shiʼraka wayuu suluʼupünaa telewisoot, computador jee waneirua kasa, eeʼiyatünüsü tia sünain nnojoluin mojuin shia, aapüsü talataa aaʼin naashin. Nnojotpejeʼe shiimain tia, eʼrüsü sümüliala wayuu suluʼujee. Wainma wayuu maaʼulu ashaitakana «waneepia saaʼu maalin Maleiwa napüla» (2 Timoteo 3:1-5). Eejiraainjana maʼin waya «süpüla nnojolüinjatüin sümalajaʼalaajüin» tü wanoulakat (Judas 3).
Püchajaa süchiki kaaʼürüi suluʼu tü Wiwüliakat
(Judas 4, TNM) Tü tashajakalü aalin jümüin, shia süpüla taküjain jümüin eein jaʼaka waneinnua wayuu aküjünaka achiki paala suluʼu tü Nünüikimaajatkat Maleiwa sünain kasalajanainjatüin naainjala. Wayuu mojulaashii, shia keeʼireeka neʼe naaʼin naainjain tü keejiakat namüin suulia tü keeʼireekat naaʼin Maleiwa, nnojoishi jamajachin namüin chi Kamüinkai waya, chi Wasenyotsekai Jesukürisüto.
(Judas 12, TNM) Wayuukana naainnua, müshii naya aka saaʼin ipa nnojotka jaʼyain shiroku wüin sünain tü miʼiraa jaainjakat süpüla jiiʼiyatüin alin jüpüla na juwalayuukana, maʼaka na arüleejülii jülüjakana aaʼin nakuwaʼipa neʼe namüiwaʼa sümaa nnojoluin mmoluin naya, müshii naya aka saaʼin siruma eekai sülatüin neʼe sümaa nnojoluin süʼitüin tü juyakat sutuma, müshii aka wunuʼu eekai machoin soʼu sükalia süpüla kachoinjatüin, tü outuitpakat piantua jee tü asüʼütünakat suurulajee.
it-1-S 125 püt. 7
Alii apülaa, miʼiraa shikiira aijirawaa
Nnojotsü süküjain tü Wiwüliakat kasain aainjünüin sünain tia miʼiraakat otta nnojotsü süküjain jeʼratuain aainjünüin shia (Jud 12, TNM). Nnojotsü nuluwataain Jesuu saainjünajatüin tia miʼiraakat otta nnojotsü naluwataain shiayaa na aluwataaushikana. Müsüjeseʼe nnojoluinjatüin süpüleeruaanüin saaʼin wayuu süpüla naainjain shia otta saainjünüinjatüle waneepia. Tia miʼiraakat, shia tü naaʼinrapuʼukat na anoujashii washinnuukana jee nounejaain na anoujashii nnojoliikana washirüin. Kottushii naya napüshuaʼa sünain ekawaa ooʼulaka aijirawaa, jaʼitaina na washinnuukana, na mooʼutshiikana, na outakana aʼwayuuse otta na maʼletsekana, paaʼinwashii napüshuaʼa.
it-2-S 861
Ipa
Tü wanee pütchi ashajünakat süka griego shia tü kanüliakat spi·lás, tia shia wanee ipa nnojotka jaʼyain shiroku tü wüinkat. Tü ipakat, nayaawaseyaasü nutuma Judas waneinnua anoujayaashii ekerotokana naʼaka na anoujashii shiimainkana süpüla naainjain kasa mojusü namüin. Müshii naya aka saaʼin tü ipa nnojotkat jaʼyain shiroku wüin, süka jamüin namojujeʼereein nanoula na anoujashiikana, maʼaka tü ipa amojujeʼerakat tü anuwakalüirua. Müsü nünüiki Judas nachiki: «Wayuukana naainnua, müshii naya aka saaʼin ipa nnojotka jaʼyain shiroku wüin sünain tü miʼiraa jaainjakat süpüla jiiʼiyatüin alin jüpüla na juwalayuukana» (Jud 12, TNM).
NOWIENPÜROʼU 18-24
KOROLO KOJUTUSÜ SULUʼUKA TÜ WIWÜLIAKAT | ALATEETKAT MAPEENA 1-3
«Tatüjaa aaʼuchii jia sünain jaaʼinrüin kasa eekai anain»
w12-S 15/10 13 püt. 8
¿Kasa akuwaʼipaa jaʼyaka maʼin pünain?
8 Süpüla wayoutuin tia akuwaʼipaakat, soto waaʼin süküjain tü Wiwüliakat eein «akarashi jolotsü» najapuluʼu Jesuu suluʼu tü najapü nikiakat. Tia nayaawasesü na laülaashii aluwataainjanakana iipünaa otta na laülaashii yaainjanakana mmapaʼa. Eesü süpüla nuʼunirüin Jesuu sukuwaʼipa tü jolotsükalüirua suluʼukat najapü (Alat. Map. 1:16, 20). Sutuma niain Nekiipüʼükai na laülaashiikana, nia laülaaka saaʼu sukuwaʼipa tü naʼyataainkat. Saashin tü Wiwüliakat «müsü aka saaʼin süchuwala siki» tü noʼukot, shiiʼiyatüin tia jülüjain maʼin naaʼin tü alatakat suluʼu tü outkajaaleekalüirua. Choʼujaale nüchiaanüin wanee laülaashi, nieechi Jesuu aküjaka joujainjatüin jee jamüinjatüin sukuwaʼipa nüchiajaaya (Alat. Map. 1:14). Maaʼulu yaa, ayatüinjana kojutuin wamüin na laülaashiikana süka eʼitaaushiin naya nutuma chi naaʼinkai Maleiwa. Anuu nünüiki Pablo: «Anakaja müleka jüüjüüle jia namüin na juwalayuu laülaayuukana jüpüleerua sümaa joonooin sümaa nanüiki, süpüla talatüinjatüin naaʼin süka tü naʼyataainkat. Müleka mojule naaʼin saaliijee moonooin jia sümaa nanüiki, nnojoleerü kasain anasü saapüin tia jümüin. Aneekünüshii naya süpüla naaʼinmajüinjanain jia, je nasouktüinjanain nümüin Maleiwa saaʼu tü naʼyataainkat» (Heb. 13:17).
w12-S 15/4 29 püt. 11
Naaʼinmajüin waya Jeʼwaa süpüla katüin woʼu
11 Saapünapa pülaa nümüin Jesuu, jülüjasü naaʼin tü akaratshika outkajaalee chakat Asia Menor, niʼrüin tia Juan otta nüshajüin shia suluʼu Alateetkat Mapeena kapiitulo 2 otta 3. Tü niʼrakat Juan, shiiʼiyatüin nütüjaain aaʼu Jesuu tü alatakat suluʼu waneʼewai sukua tü outkajaaleekalüirua. Eeshi naashajaale nachiki kojuyashii wayuu, choʼujaale nütütüleʼerüin naaʼin waneinnua wayuu, naaʼinrüin shia otta nüküjain pütchi aneetka atuma nakuwaʼipa. ¿Kasa shikirajaka anain waya tia? Tü niʼrakat Juan ekeraajüsü soʼujee tü juyakat 1914. Tü akaratshikat outkajaalee, nayaawasesü shia na anoujashii chainjanakana iipünaa otta tü aküjünakat namüin napülajatü napüshuaʼa na anoujashiikana yaakana saaʼu tü mmakat. Sükajee tüü, nia neʼe Jeʼwaa oʼuniraka tü nupueulosekat nükajee chi Nüchonkai. ¿Jamüsü süpüla anain wakuwaʼipa sutuma?
w01-S 15/1 20 püt. 20
Wanaawainjatü tü waaʼinrakat sümaa tü saaʼinrakat nupueulose Jeʼwaa
20 Süpüla wanaawain tü waaʼinrakat sümaa tü saaʼinrakat nupueulose Jeʼwaa, wayaawatüinjatü aaʼu niain Jesuu eʼitaanaka nutuma Jeʼwaa süpüla nekiipüʼüinjachin nia na anoujashiikana (Éfeso 5:22-24). Anuu wanee suwalaʼata pütchi anaka maʼin: Isaías 55:4: «Jiirakaa, tayakai Jeʼwaa, taneeküin nia süpüla nüküjain pütchi tachiki sümüin wayuu, anii teʼitaain nia süpüla shikiipüʼüinjachin nia wayuu süpüshuaʼa otta süpüla nuluwataalinjachin saaʼu». Anasü maʼin nutuma Jesuu tü aʼyatawaa eʼitaanakalü apülaa nia. Niʼraajüin tü naʼanneetsekalüirua otta tü naaʼinrakat. Soʼu jülüjain naaʼin tü aʼyatawaa saaʼinrakat tü akaratshikat outkajaalee, müshi nia jaʼraitua: «Tatüjaa aaʼuchii jia [...] sünain jaaʼinrüin kasa eekai anain» (Alateetkat Mapeena 2:2, 19; 3:1, 8, 15). Nütüjaa aaʼu Jesuu tü choʼujaakat maʼin wamüin maʼaka nütüjaain saaʼu shia Jeʼwaa. Süpülapünaa nüküjain jamüinjatüin wanüiki woʼuraajapa nümüin Maleiwa, müshi nia: «Süpülapünaa jüchuntüin, nütüjaa aaʼut chi Jüshikai Maleiwa süpüshua tü cheʼojaakat jümüin» (Mateo 6:8-13).
Püchajaa süchiki kaaʼürüi suluʼu tü Wiwüliakat
kr-S 226 püt. 10
Ajaʼttüshii na nüʼünüükana Maleiwa sutuma tü Nuluwataayakat
10 Akatannüsü tü anneetkalüirua suulia tü kaaʼulakalüirua. Na nüʼünüükana Maleiwa neʼreerü sooʼomüin tü namülialakat. Müshi Jesuu: «Shiʼreechi taya wayuu, tayakai, chi Shipayakai Wayuu, sünain antaa saʼaka tü sirumakat. Anashaateerü maʼi tü tantiakat, süka tanteechin sünain pülashin je sünain eʼitaaushin nütüma Maleiwa süpüla aluwatawaa wanaa nümaa» (Mar. 13:26). Sülatapa tia, atüjaaneerü aaʼu sünain nüntüichipain Jesuu süpüla süsalainjatüin wayuu nutuma. Suluʼu waneirua pütchi aküjünüsü sooʼomüin süchiki tü alatüinjatkat soʼu kaʼikat tia. Aküjünüsü tia eere saashajaanüin süchiki tü anneetkalüirua otta tü kaaʼulakalüirua (paashajeʼera Mateo 25:31-33; Mateo 25:46, TNM). Na wayuu wanaawakana aaʼin sümaa tü Nuluwataayakat Maleiwa, meena naya aka saaʼin «anneerü». Nayaawateerü aaʼu sünain sülüʼülüin süpüla taashin naya suulia kaainjalaa (Luc. 21:28). Akanasaʼa na nnojoliikana wanaawain aaʼin sümaa tü Nuluwataayakat Maleiwa, meena naya aka saaʼin «kaaʼula». Aʼyalajeena maʼin naya sümaa mmoluin naya seema tü alatüinjatkat namüin süka ajaʼtteenain «naya süpüla kaʼikat süpüshuaʼa» (Mat. 24:30; Alat. Map. 1:7).
w09-S 15/1 31 püt. 1
Pütchi anaka maʼin sünainjee tü karaloʼutakat Alateetkat Mapeena (shiʼipa 1)
2:7. ¿Kasa wayu «tü naʼapainsekat Maleiwa»? Pütchikat tüü, napülajatü na anoujashii chainjanakana iipünaa. Tü aapaain aküjünakalü achiki yaʼaya, shia tü sirumatuʼukat, eere eein chi Maleiwakai. Anashaatasü chapünaa eere eein nia. Na anoujashii chainjanakana iipünaa oonookana waneepia nümüin Maleiwa, eeshii süpüla neküin «süchon tü wunuʼu [...] katakat atüma soʼu wayuu», shiiʼiyatüin tia nnojoleenain naya outuin piantua (1 Cor. 15:53).
NOWIENPÜROʼU 25– TISIENPÜROʼU 1
KOROLO KOJUTUSÜ SULUʼUKA TÜ WIWÜLIAKAT | ALATEETKAT MAPEENA 4-6
«Nooʼoyolijeʼerüin neʼejena na pienchishiikana amaajuna»
Püchajaa süchiki kaaʼürüi suluʼu tü Wiwüliakat
re-S 76 püt. 8
Anashaatasü chaa eere nuluwataain Jeʼwaa
8 Nütüjaa aaʼu Juan naneekünüin waneinnua sacerdoote süpüla naʼyataain suluʼu tü miichi aʼwaajüleekat Maleiwa. Eesüjaʼa ponule naaʼin tü niʼrakat wanaa sümaa nümüin mayaa: «Je pasanaintaasü joo shiaʼaya sünain piama shikii pienchimüin einasee. Eeshii joyojoyolüin saaʼu tü einaseekalüirua piama shikii pienchimüin laülaayuu. Kasuujasü maʼi nasheʼin. Otta sünain nekii waneʼewaire nakua, eesü wane kotse ooroleʼeya maa aka nakotse na sülaülakana mma» (Alateetkat Mapeena 4:4). Nnojoishii sacerdootein na niʼrakana, niʼrüin 24 laülaayuu joyotuin saaʼu tü einaseekalüirua otta eesü kotse saaʼu nekii maʼaka nakotse na sülaülakana mma. ¿Jaralii naya laülaashiikana? Naya na aneekünakana süpüla aluwatawaa chaa iipünaa, yapashii naya süpüla aaʼinraa tü aʼyatawaa nüneekakalü apüla naya Jeʼwaa. ¿Jamüsü watüjaaka saaʼu tia?
re-S 80 püt. 19
Anashaatasü chaa eere nuluwataain Jeʼwaa
19 ¿Kasa kayaawaseka tü kasa katoʼukalüirua? Watüjaajeerü aaʼu tia sükajee tü niʼrakat Ezequiel, wanee nünüikimaajachikai Maleiwa. Niʼrüin Ezequiel Jeʼwaa sünain joyotuin nia saaʼu tü niinasekat sünain aluwatawaa, saaʼujachi nia neʼejena otta eejatü nümaa tü kasa katoʼukalüirua wanaawaka akuwaʼipa sümaa tü nümakat Juan (Ezequiel 1:5-11, 22-28). Süchikijee tia, niʼrüin Ezequiel süchikuaʼa tü neʼejenakat Jeʼwaa sümaa tü kasa katoʼukalüirua. Yaʼaya, naatajatüitpa suchuntia nanülia nutuma Ezequiel, querubine müichipa sümüin tü kasa katoʼukalüirua (Ezequiel 10:9-15). Tü pienchisükat kasa katoʼulu niʼraka Juan, nayaawasesü napüshuaʼa na querubine chakana nümaa Maleiwa... na makana yaa, aapünüsü laülawaa namüin suluʼu tü Nupueulosekat Jeʼwaa chaa iipünaa. Nnojotsü ponuin naaʼin Juan niʼrüin pejein maʼin na querubinekana nünain Jeʼwaa, süka eejanain piamashii querubine saaʼu tü shirousekat tü jurasükeetkat, tia shiyaawase eere nuʼluwataain Jeʼwaa. Aluwataashi pütchi Jeʼwaa sümüin tü nupueulosekat nakajee naya aapieekana (Éxodo 25:22; Salmo 80:1).
(Alateetkat Mapeena 5:5, TNM) Nümakalaka tamüin wanee laülaashi: «Puuʼulaa suulia aʼyalajaa. ¡Piirakaa! Chi Wasashi nuuʼuliwoʼukai Judá, chi nuuʼuliwoʼukai David, akanajüitchipa nia süpüla nujutalüin tü rollokot otta tü akaratshisükat sello».
cf-S 36 püt. 5, 6
«¡Piirakaa! Chi Wasashi nuuʼuliwoʼukai Judá»
5 Tü jaʼyakat maʼin naaʼu wanee wasashi shia meimmoluin nia. ¿Eeichi piʼrüin wanee wasashi miyoʼu? Mülejeʼe shia, eeshijaʼa piʼrüichire nia suluʼu wanee zoológico eere süttüin nia jee nnojoishi süpüla pülatüin nünainmüin. Mayaapejeʼe müin tia, mmotshi pia piʼrapa nia. Niirakaapa pümüin nnojoishi mmoluin peema, katchinshaatashi maʼin nia, laütashaatashi otta jashichishaatashi maʼin nia, nnojoleechi nia apantajaain sutuma mmoluwaa. Saashin tü Wiwüliakat, chi wasashikai nia «chi katchinkai maʼin noulia na wanee mürütkana jee nnojoishi apantajaain sutuma mmoluin nia» (Proverbios 30:30). Müshia neʼe Kürisüto, meimmoluinsai nia.
6 Wekirajaa sünain pienchisü kasa naainjaka Jesuu eeʼiyataka meimmoluin nia maʼaka naaʼin wanee wasashi: asoutushi nia saaʼu tü Wiwüliakat süküjünüle alawaa süchiki, lotusü sukuwaʼipa tü kasa naainjakat otta nnojoishi nia mmoluin müliapa nia atumawaa. Otta müsia, wekirajaajeerü anain eein süpüla washatüin nukuwaʼipa Jesuu otta weeʼiyatüin tia akuwaʼipaakat jaʼitaina mmoleʼein waya jee meimmoluinre waya.