Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa
AAʼURIIROʼU 2-8
KOROLO KOJUTUSÜ SULUʼUKA TÜ WIWÜLIAKAT | MATEO 26
«¿Kasa wanaawaka aluʼu tü Pascuakat sümaa tü ai sotokalü oʼu waaʼin outuin Jesuu? ¿Kasa naataka aluʼu shia?»
nwtsty-E video
Tü ekawaa soʼujatkat tü Pascuakat
Anuu tü ekünajatkat soʼu tü Pascuakat: 1) anneerü asijuushi (nnojotsü aʼyüttünajatüin niipüse), 2) pan maʼakaka soolojia otta 3) süchon wunuʼu eekai ishin (Éx 12:5, 8; Nú 9:11). Saashin Misná tü süchonkat wunuʼu ishisü, eesüjaʼa shiale tü kanüliakat lechuga, achicoria, escarola, berro jee shiale diente de león, eesüjaʼa sotule naaʼin na israeliitakana mojuin maʼin nakuwaʼipa chaa Egipto. Nüküjain Jesuu wulein nütapaʼa wanaa sümaa naapajiraain nikii maʼaka wulein wanee pan maʼakaka soolojia (Mt 26:26). Otta naashin Pablo, müshi Jesuu maʼaka naaʼin wanee anneerü (1Co 5:7). Soʼu nükalia Jesuu asünapuʼusü 4) wiino sünain tia miʼiraakat. Nüküjain Jesuu shiyaawasein tü nüsha amülakat tü wiinokot (Mt 26:27, 28).
nwtsty-E pütchi suluʼujeejatü tü Wiwüliakat süchiki Mt 26:26
Maa aka: Tü pütchikat griego estín (shia) eesü süpüla sülatinnüin mayaa: «shiyaawase, maluʼulu». Shia nayaawataka tia na aluwataaushiikana, neʼrüin niain Jesuu keraain süpüla naapajiraain nikii otta tü pan maʼakakat soolojia. Nnojotkalaka shiain niʼirukuin Jesuu tü pankat. Pütchikat tia shia tü eʼitaanakat suluʼu Mateo 12:7 otta alatinnüsü shia süka tü pütchikat «maluʼulu».
nwtsty-E pütchi suluʼujeejatü tü Wiwüliakat süchiki Mt 26:28
tü tasha amülainjatkat [...] tü pütchi jeket pansaatüjütkalia: Saaʼujee naapajiraain nikii Jesuu, kojutusü tü pütchi nüpansaajakat Jeʼwaa namaa na chainjanakana iipünaa (Heb 8:10). Tü pütchi nuchuntakat Jesuu yaa, shia neʼe tü nuchuntakat Moisés wanaa sümaa nüneeküin nia Jeʼwaa süpüla nüpansaajüin tü pütchikat namaa na israeliitakana chaa Sinaí (Éx 24:8; Heb 9:19-21). Kojutusü tü pütchi nüpansaajakat Jeʼwaa namaa na israeliitakana sutuma süsha tü paaʼa tooloyuu jee tü kaaʼula tooloyuu oʼutunaka aaʼin. Akaataajaʼa neʼe tü nüsha Jesuu amülakat, kojutusü tü pütchi nüpansaajakat Jeʼwaa sutuma namaa na chainjanakana iipünaa, oʼttusü tia soʼujee juyakat 33 soʼu wakalia (Heb 9:14, 15).
Püchajaa süchiki kaaʼürüi suluʼu tü Wiwüliakat
nwtsty-E pütchi suluʼujeejatü tü Wiwüliakat süchiki Mt 26:17
süntapa sükalia tü miʼiraa [...] ekünapüʼükat anain tü pan maʼakasatkat soolojia: Oʼttusü tia miʼiraakat soʼu 15 kashika nisán otta akaratshi kaʼi shia. Otta müsia tü Pascuakat aainjünapuʼusü 14 soʼu kashika nisán, wanee kaʼi paala (paashajeʼera sgd, ekirajaaya 19). Sutuma pachiiruaain tia miʼiraakat, mekiisat kaʼi shia sümaʼaleʼeya tü aainjünakat 14 sükalia kashika nisán, eesü «tü miʼiraa ekünakalü anain tü pan maʼakasatkat soolojia», sümünüle (Lu 22:1). Tü pütchikat «süntapa sükalia» makat, eesü süpüla müin sülatiria mayaa: «Wanee kaʼi süpüleerua». Suluʼu Juan 1:15, 30 alatinnüsü tü pütchikat griego «palajatü» [prótos] sükajee tü pütchikat «apüleerua», müsü shia mayaa:«eetüjülin nia tapüleerua». Sükajee watüjaaitpain saaʼu tü pütchikat suluʼu griego otta nakuwaʼipa na judíokana, wayaawata aaʼu nüsakinnüin Jesuu soʼu 13 sükalia kashika nisán natuma na nikirajüinkana. Soʼu tia kaʼikat, yapasü natuma na nikirajüinkana Jesuu tü naaʼinrajatkat soʼu tü Pascuakat aipaʼa, wanaa sümaa suʼttüin 14 soʼu kashika nisán (Mr 14:16, 17).
nwtsty-E pütchi suluʼujeejatü tü Wiwüliakat süchiki Mt 26:39
anasüje puuʼuleʼerüle toulia tü müliaa teʼreetkat jooluʼu: Achuntunawaisü suluʼu tü Wiwüliakat tü pütchikat copa süpüla saashajaanüin achiki tü nuchuntakat Maleiwa jee shiale tü nuluwataakalü anain süpüla saaʼinrüin wanee wayuu. Shapaasü naaʼin Jesuu sutuma mojutuinjachin Maleiwa sutuma wayuu saaʼujee nuʼutunajachin aaʼin Jesuu. Müsüjeseʼe süsünneʼennüinjatüin nuulia tia müliaakat.
AAʼURIIROʼU 9-15
KOROLO KOJUTUSÜ SULUʼUKA TÜ WIWÜLIAKAT | MATEO 27, 28
«Jikiraja wayuu tachiki, ¿jamüshii wekirajüinjanaka?, ¿jalainjana wekirajüin?, ¿jamüinjatü sukuwaʼipa?»
w04-S 1/7 süp. 8 püt. 4
«Jikirajeena naya süpüla nayainjanain na tekirajüinkana»
4 Nia Jesuu nekiipüʼüka na anoujashiikana, nia aluwataaka suluʼu Nuluwataaya Maleiwa soʼujee 1914 wanaa sümaa süikaleʼennüin (Colosas 1:13; Alateetkat Mapeena 11:15). Watta saalii aapiee nuluwataaka aaʼu süka sülaülain nia tü aapieekalüirua (1 Tesalónica 4:16; 1 Pedro 3:22; Alateetkat Mapeena 19:14-16). Nüneeküin nia chi Nüshikai süpüla najaʼttirüin tü aluwataayakalüirua nnojotka aaʼinrüin tü nümakat Maleiwa (1 Corinto 15:24-26; Éfeso 1:20-23). Nnojoishi neʼe nia laülaain saaʼu wayuu, laülaashii nia naaʼu na katoʼuchiikana otta naaʼu na outushiikana, eeshi süpüla nüsoʼirüin naaʼin na outushiikana (Aluwataaushikana 10:42; Juan 5:26-28). Kojutushaatasü tü aʼyatawaa aapünakat nümüin. Makalaka kojutuinjachin Kürisüto wamüin otta woonooinjatü amaa tü nuluwataakalü anain waya, wekirajüinjatüin wayuu.
nwtsty-E pütchi suluʼujeejatü tü Wiwüliakat süchiki Mt 28:19
Jikirajeena naya süpüla nayainjanain na tekirajüinkana maa aka jiakana: Tü pütchikat griego matheteúo eesü süpüla shiʼitaanüin süpüla süküjünüin «shikirajünüin wanee wayuu süpüla suushikajaain süchiirua nukuwaʼipa wanee» (paashajeʼera tü sümakat Mt 13:52, eere shiʼitaanüin tü pütchikat «ekirajuushi»). Tü pütchikat woutiisaa otta ekirajaa shiiʼiyatüin kasain sünainpünaa ekirajaa wayuu.
sainküin mmakat süpüshua [...] sümüin wayuu: Eesüjaʼa müle sülatiria tü pütchikat «wayuu süpüshuaʼa», shia saashajaaka achiki wayuu maʼleekalia. Suluʼu griego, eʼitaanüsü tü pütchikat naya saʼatoʼu tü pütchikat juwoutisaajeena, shia saashajaaka achiki wayuu, nnojotsü pueuloin. Jeketü tia, shikirajünüinjatüin wayuu süpüshuaʼa. Saashin tü Wiwüliakat, oʼunawaishii na wayuu nnojoliikana judíoin chaa Israel sünain aʼwaajaa Jeʼwaa, naaʼinrüin tia süpülapünaa nikirajüin Jesuu (1Re 8:41-43). Sükajee pütchikat tüü, nuluwataain na nikirajüinkana süpüla naküjain pütchi namüin na nnojoliikana judíoin, süpüla shikirajünüin wayuu süpüshuaʼa (Mt 10:1, 5-7; Alat 7:9).
nwtsty-E pütchi suluʼujeejatü tü Wiwüliakat süchiki Mt 28:20
Jikirajeena naya: Tü pütchikat griego «ekirajaa», sünainpünaa eʼikaa, aküjaa jamaluʼuluin wanee kasa otta jamüin maka shia (paashajeʼera tü pütchi suluʼujeejatkat tü Wiwüliakat süchiki Mt 3:1 otta 4:23 suluʼu mwbr18.01). Ekirajünüinjana na wayuukana waneepia süchiki tü nümakat Jesuu, aküjünajatü namüin tü nikirajakalü anain, ekirajünüinjana süpüla neʼitaain shia suluʼu nakuwaʼipa otta nashatajatü nukuwaʼipa (Jn 13:17; Éf 4:21; 1Pe 2:21).
Püchajaa süchiki kaaʼürüi suluʼu tü Wiwüliakat
nwtsty-E pütchi suluʼujeejatü tü Wiwüliakat süchiki Mt 27:51
tü kuluulu soʼulujunakat: Anachonsü maʼin tia kuluutkat, soʼulujunasü tü paü shiinaluʼusükat. Naashin na judíokana, 18 meetüro sajaʼapüin otta 9 meetüro seeruluin, jee 7,4 sentiimetüro sülaütain. Sükajee süchatajaain tia kuluutkat, niiʼiyatüin Jeʼwaa jashichin nia namüin na oʼutakana aaʼin chi Nüchonkai otta niiʼiyataleein eein süpüla nuʼunuin iipünaamüin wanee wayuu (Heb 10:19, 20).
tü aʼwaajüleekat Maleiwa: Sükajee tü pütchikat griego naós, shia saashajaaka achiki tü aʼwaajüleekat, eere eejatüin tü kanüliakat Santo otta Santísimo.
nwtsty-E pütchi suluʼujeejatü tü Wiwüliakat süchiki Mt 28:7
jüküjainjatüin nüchiki namüin na nikirajüinkana [...] Osoʼiraasü naaʼin süchikijee ouktaa: Naya aküjünaka amüin palajana naya jieyuukana nusoʼiraain aaʼin Jesuu otta nayainajana aküjaka tia namüin na nikirajüinkana Jesuu (Mt 28:2, 5, 7). Naashin na judíokana, nnojotsü aküjainjatüin wanee jierü süchiki wanee kasa. Kojutupejeʼe naya nümüin chi aapieekai süka nuluwataain naya sünain aapiraa nüchiki Jesuu.
AAʼURIIROʼU 16-22
KOROLO KOJUTUSÜ SULUʼUKA TÜ WIWÜLIAKAT | MARCOS 1, 2
«Talatirüitpa paainjala puulia»
jy-S süp. 67 püt. 3-5
«Talatirüitpa paainjala puulia»
Sümaʼinruʼu nüküjain pütchi Jesuu, antüshii pienchishii wayuu nümaa wanee wayuu masaʼasai süpüla anain nia nutuma Jesuu. Wotusü wayuu tü piichikat, nnojoikalaka süpüla nekerotirüin nia (Marcos 2:4). ¡Mojukajasaʼa naaʼin saaliijee tia! Nekerotireepajaʼa nia. Noʼotooko saaʼu tü piichikat, jee naakataka süpüshi saajuna otta nashakatiraka chi masaʼasaikai saaʼu wanee camilla.
¿Mojushiisüche tia nümüin Jesuu? Nnojo, anasü nümüin. Atanalaasü naaʼin sutuma kanoulain naya wayuukana, nümakalaka nümüin chi masaʼasaikai: «Talatirüitpa paainjala puulia» (Mateo 9:2). ¿Nüinküinche Jesuu nülatirüin saainjala wayuu? Isayaasü tia nüchiki naaʼinruʼu na karaloʼutamaajanakana otta na fariseokana jee müshii naya: «¿Jaraikai wayuu chi eʼrüiyaaka aaʼin wayumüin süpüleerua nünüiki nümüin Maleiwa? Nnojoishi jerain Maleiwa sünain niain ainküin nümüiwa alatiraa saainjala wayuu» (Marcos 2:7).
Nümaka Jesuu namüin saaʼujee nütüjaain saaʼu tü namakat: «¿Jamüshii jia mojukaʼa jünüiki tamüin suluʼu jaaʼin? Je wanaa sümaa tamüin nümüin chi oukta asaʼachikai, «Talatirüitpa paainjala puulia» (Marcos 2:8, 9). Nüinküin Jesuu nülatirüin saainjala wayuu sükajee naapajiraain nikii waaʼu.
nwtsty-E pütchi suluʼujeejatü tü Wiwüliakat süchiki Mr 2:9
¿Kasa mapüleeka?: Eeshi eekai nümüin pülashin nia süpüla motuin naaʼin saainjala wayuu, süka nnojoluin jaralüin eʼrüin tia. Choʼujaapejeʼe naaʼinrüin Jesuu wanee kasa pülasü süpüla niiʼiyatüin niain kapülain süpüla nülatirüin saainjala wayuu, müsüjeseʼe Püshaʼwala [...] waraittaiwa pia, nümüin nümüin. Tia pütchikat sümaa tü sümakat Isaías 33:24, shiiʼiyatüin wamüin jouluin tü ayuuliikat sutuma kaainjalain Adán.
Püchajaa süchiki kaaʼürüi suluʼu tü Wiwüliakat
nwtsty-E pütchi suluʼujeejatü tü Wiwüliakat süchiki Mr 1:11
Saapünakalaka joo wane pütchi chaa iipünaajee: Shia palajatka nukua Jeʼwaa tia sünain aashajawaa namaa na wayuukana, ashajuushika suluʼu tü kanüliakat Evangelio, apünüintuapejeʼe naashajaain.
Pia chi Tachonkai: Süpülapünaa nüntüin Jesuu mmapaʼamüin, Nuchontüjüiya Maleiwa Jesuu (Jn 3:16). Wanaa joʼuuin Jesuu suluʼu wayuuin nia, nüchonshi nia Maleiwa maʼaka naaʼin Adán süpülapünaa kaainjalain nia (Lu 1:35; 3:38). Sükajee tia pütchikat, nnojotsü nüküjain neʼe Jeʼwaa jaralin Jesuu. Nüküjain tia Jeʼwaa otta niʼitaain chi naaʼinkai naaʼu Jesuu, shia nüküjeeka Jeʼwaa niain Jesuu chi Nüchonkai, jemeishi nüchikuaʼa otta aleʼejüinjachi nia süpüla Nuluwataain jee Nalaülain nia na Sacerdootekana (Jn 3:3-6; 6:51; paashajeʼera Lu 1:31-33; Heb 2:17; 5:1, 4-10; 7:1-3).
Talatüshi maʼi taya pümaa: Pütchikat tia shia neʼe tü eʼitaanakat suluʼu Mateo 12:18, jee sünainjeesü shia Isaías 42:1 eere naashajaanüin achiki chi Mesíaskai jee Kürisüto. Niʼitaain Maleiwa chi naaʼinkai naaʼu Jesuu jee nüküjain tia pütchikat süpüla niiʼiyatüin niain chi Mesíaskai chi Nüchonkai.
nwtsty-E pütchi suluʼujeejatü tü Wiwüliakat süchiki Mr 2:28
laülaashika saaʼu tü kaʼi sheemeraakat oʼu wayuu: Aashajaajiraashi neʼe Jesuu nüchiki (Mt 12:8; Lu 6:5), shia nüküjeeka achiki eein süpüla nüküjain pütchi saawanoʼu süka nüjünalain nia chi Nüshikai (paashajeʼera Jn 5:19; 10:37, 38). Aainjashi Jesuu kasa pülasü saawanoʼu, eesü anale wayuu nutuma (Lu 13:10-13; Jn 5:5-9; 9:1-14). Niiʼiyatüin sükajee tia, kaseerüin naainjain nuluwataapa, aneena waya maʼaka soʼu saawanoʼu wanaa sümaa seemeraain wayuu (Heb 10:1).
AAʼURIIROʼU 23-29
KOROLO KOJUTUSÜ SULUʼUKA TÜ WIWÜLIAKAT | MARCOS 3, 4
«Niiyajüin Jesuu wanee wayuu soʼu tü kaʼi eemeraanakalü oʼu»
jy-S süp. 78 püt. 1, 2
¿Kasa eeka süpüla saainjünüin saawanoʼu?
Oʼunüshi Jesuu nüchikuaʼa saawanoʼu suluʼumüin tü ekirajüleekat tü judíokalüirua, eeshijaʼa chajachire nia Galilea. Eejachika wanee wayuu joso ajapüchi nüpüla (Lucas 6:6). Eʼrajaanüshi maʼin Jesuu natuma na karaloʼutamaajanakana otta na fariseokana. ¿Jamüsüche naaʼinraka tia? Jaʼyasü kasain keeʼireein naaʼin wanaa sümaa nasakirüin: «¿Shiimüin sünain anain müleka weiyajüle wane wayuu soʼu sükalia eemerawaa naashin Moisés?» (Mateo 12:10).
Nashin na nekiipüʼükana na judíokana, eeshi süpüla niiyajünüin wanee wayuu mayeinre maʼin nia, nnojotsü süpüla niiyajünüin wanee wayuu eekai sujuttaain niipüse jee wanee kasa nünain soʼu saawanoʼu. Shiiʼiyatüin tia nnojoishi jamajachin namüin chi wayuu joso ajapüchikai, shia nachajaaka sukuwaʼipa süpüla naapeein nikii Jesuu.
jy-S süp. 78 püt. 3
¿Kasa eeka süpüla saainjünüin saawanoʼu?
Nütüja aaʼu Jesuu tü keeʼireekat naaʼin na nekiipüʼükana na judíokana. Wainma neʼe tü kasa nachuntakat, maʼaka saaʼin napülajüin aʼyatawaa saawanoʼu (Éxodo 20:8-10). Nnojotsü palajanain neʼe nakua sünain mojuin nanüiki nüchiki Jesuu. Sutuma tü naaʼinrakat joo Jesuu peʼipaashii naya nümaa. Nümaka nümüin chi wayuukai: «Püshaʼwalaa yala pasanainmüin sünain tü wayuukolüirua» (Marcos 3:3).
(Marcos 3:5, TNM) Jee süchikijee niirakaain namüin nüʼütpünaa sümaa jashichin nia, jee mojushaatasü naaʼin saaliijee mamülialain naaʼin na nekiipüʼükana na judíokana, müshi nia nümüin chi wayuukai: «piyurula pajapü». Niyurulaka shia jee anajaaka najapü.
nwtsty-E pütchi suluʼujeejatü tü Wiwüliakat süchiki Mr 3:5
sümaa jashichin nia, jee mojushaatasü naaʼin: Nia neʼe Marcos aküjaka jamüin naaʼin Jesuu soʼu tia wanaa sümaa mamülialain naaʼin na nekiipüʼükana na judíokana (Mt 12:13; Lu 6:10). Eeshijaʼa niale Pedro aküjain tia nümüin Marcos, süka alin nümüin Pedro wanee kasa eekai alatüin (pünaja tü videokot Süchikimaajatü tü karaloʼutakat Marcos).
Püchajaa süchiki kaaʼürüi suluʼu tü Wiwüliakat
nwtsty-E pütchi suluʼujeejatü tü Wiwüliakat süchiki Mr 3:29
niale chi Naaʼinkai Maleiwa mojuin amüin pütchi: Mojule nünüiki wanee wayuu, shia airuʼurule nünüiki nümüin Maleiwa jee shiale wanee kasa nümaʼanajeejatka Maleiwa. Nümaʼanajeejatü Maleiwa chi naaʼinkai, müsüjeseʼe peʼipaain wanee wayuu nümaa Maleiwa müleka niyoutule chi naaʼinkai Maleiwa jee naattajaale nüchiki. Saashin Mateo 12:24, 28 otta Marcos 3:22, nnojotsü nanoujain nekiipüʼü na judíokana niain chi naaʼinkai Maleiwa pülakai atuma Jesuu süpüla naaʼinrüin wanee kasa, «nia Satanaa maka atuma nia», müshii neʼe.
müiria nnojolüin alatinnüin suulia tü makat, nnojotsü jooluʼu je nnojoleerü mapeena: Eesüjaʼa shiale saashajaain süchiki wanee kasa mojusü, alatiraka kasa mojusü süpüla kaʼi süpüshuaʼa. Nnojotsü kasain naapajatüin wanee wayuu shiiʼiraka müin naainjala (paashajeʼera tü pütchi suluʼujeejatkat tü Wiwüliakat süchiki niale chi Naaʼinkai Maleiwa mojuin amüin pütchi süpüla wetsiikulokot tüü).
WAKUWAʼIPA SÜNAIN ANOUJAA
nwtsty-E pütchi suluʼujeejatü tü Wiwüliakat süchiki Mr 4:9
Chi eekai nüshateein tanüiki, anasü jülüjüle naaʼin: «Jülüja jaaʼin tanüiki», müshi Jesuu süpülapünaa naashajaain nüchiki chi apünajüitkai (Mr 4:3, TNM). Jee nüküjain tia pütchikat süpüla niiʼiyatüin choʼujaain jülüjain naaʼin na wayuukana tü nikirajakalü anain. Eesü pütchi wanaawaka sümaa tia suluʼu Mt 11:15; 13:9, 43; Mr 4:23; Lu 8:8; 14:35; Alat 2:7, 11, 17, 29; 3:6, 13, 22; 13:9.
AAʼURIIROʼU 30-MAAYOʼU 6
KOROLO KOJUTUSÜ SULUʼUKA TÜ WIWÜLIAKAT | MARCOS 5, 6
«Eeshi süpüla nüsoʼireʼerüin naaʼin Jesuu na wapüshi outakana»
nwtsty-E pütchi suluʼujeejatü tü Wiwüliakat süchiki Mr 5:39
nnojotsü ouktüin, atunküsü neʼe: Saashin tü Wiwüliakat, müshi nutunkakai aaʼin wanee wayuu outule nia (Sl 13:3; Jn 11:11-14; Alu 7:60; 1Co 7:39; 15:51; 1Te 4:13). Nüsoʼirüinjatü Jesuu saaʼin tü jintutkat, müsüjeseʼe nüküjain tia pütchikat süpüla niiʼiyatüin eein süpüla nüchijinnüin wanee wayuu outushi maʼaka nüchijinnüin wanee atunkushi. Nia Jeʼwaa aapaka nüpülain nümüin Jesuu süpüla nüsoʼirüin saaʼin tü jintutkat. «Chi Maleiwa osoʼirakai saaʼin wayuu ouktüsü» (Ro 4:17).
(Marcos 5:42, TNM). Jee sütamaamaataka tü jintutkat sümaa waraittüin shia süka polooin piamamüin suuyase. Jee süchikijee tia, talatashaatashii maʼin naya.
jy-S süp. 118 püt. 6
Asoʼiraasü saaʼin wanee jintut
Eeshi nüküjale Jesuu namüin na wayuu nüsoʼirakana aaʼin, nnojoluinjatüin naküjain süchiki tü naaʼinrakat napüleerua, shia nuchuntaka tia namüin na kachonshiikana tü jintutkat. Awalakaapejeʼe «sainküin mma süchiki tü naaʼinrakat Jesús» (Mateo 9:26). Alatüsü tia süka talatüin naaʼin na wayuukana, maʼaka wanee wayuu aküjakai nüchiki wanee nüpüshi eekai nüsoʼinnüin aaʼin. Eejatü paala wanee wayuu nüsoʼiraka aaʼin Jesuu süpülapünaa tia jintutkat.
Püchajaa süchiki kaaʼürüi suluʼu tü Wiwüliakat
nwtsty-E pütchi suluʼujeejatü tü Wiwüliakat süchiki Mr 5:19
sünain püküjain: Nuchuntapuʼuin Jesuu namüin na wayuukana nnojoluinjanain naküjain süchiki tü kasa pülasü naainjakat napüleerua (Mr 1:44; 3:12; 7:36), akatsaʼa nuluwataain chi wayuukai süpüla nüküjainjatüin süchiki tü kasa alatüitpakat namüin na napüshikana. Eesüjaʼa naaʼinrüle tia süka suchuntunuin nümüin nuʼunüinjachin jee nnojotsü süpüla nüküjain pütchi nüchikuaʼa suluʼu tia mmakat. Otta müsia süpüla nnojoluin mojuin pütchi süchiki tü alatakat sümüin tü püülükükalüirua.
nwtsty-E pütchi suluʼujeejatü tü Wiwüliakat süchiki Mr 6:11
joʼotojooin tü mmakat sünainjee juuʼui: Tü naaʼinrakat na nikirajüinkana Jesuu shiiʼiyatüin nnojoluin nasirüin jamüle nakuwaʼipa na wayuukana otta nooʼulaain niain Maleiwa kasalajanain atuma naainjala na wayuukana. Wanaawasü tia pütchikat sümaa tü sümakat Mateo 10:14 otta Lucas 9:5. Naashin Marcos otta Lucas süpülajatü natüjaain saaʼu naya wayuukana. Shia naaʼinraka tia Pablo nümaa Bernabé chaa Antioquía chajatka Pisidia (Alu 13:51). Otta anuu nünüiki Pablo chaa Corinto wanaa sümaa noʼotojooin nüsheʼin: «Jüsirajiraajaʼa jümata jükuaippa müleka amülouire jaaʼin. Nnojoishijaʼa tayaichipain kasirüin jia» (Alu 18:6). Nnojotsü nopojooin amaa tia makat na nikirajüinkana Jesuu. Jamüshiijaʼa na judíokana, noʼotojoopuʼuin nooʼui süchikijee naleʼejüin suluʼujee wanee suumainka wayuu nnojotka judíoin, naaʼinrüin tia süka yarüttüin na wayuukana saaʼin namüin. Naatapejeʼe maʼin tü nikirajeekalü anain Jesuu.