8. ¿Kasa naainjaka na woutiisakana soʼu Pentecostés süpüla neeʼiyatüin kojutüin namüin na aneekünakana süpüla ekirajaa?

⁸ Soʼujee tü miʼiraa kanüliaka Pentecostés aainjünaka soʼu juyaka 33, eʼitaanüsü najapuluʼu na aluwataaushiikana ekirajaa na wanee anoujüshiikana (paashajeʼera Aluwataaushikana 2:41, 42). Na judío otta na nnojoliikana judíoin anoujakana soʼu tia miʼiraakat, nayaawata aaʼu nayain aneekünüin na aluwataaushiikana süpüla ekirajaa. «Ayatshii naya waneepia sünain nooʼulaküin tü akuaippaa neʼikakat anain naya na Aluwataaushikana». Wainma tü kasa natüjaweekalü aaʼu na anoujüshiikana otta natüjaa aaʼu jaraliinjanain aapüin shia namüin. Jüüjüüshii naya sümüin tü neʼikakalü anain na aluwataaushiikana nüchiki Jesuu. Otta napansaajirüin waneeirua ashajuushi nünainpünaaka Jesuu (Aluw. 2:22-36).c