• «Jalia jia suulia juʼluwajiraain jukuaippa»
    «Ayata alin jüpüla Maleiwa»

    • 3. ¿Kasa alataka namüin na israeliita aainjakana tü nimeejakat aka Balaam?

      3 ¿Nimeejüin Balaam na israeliitakana? Aa, wainma maʼin na ‹amaʼüjiraakana namaa na jieyuu chajanakana Moab›. Otta naʼwaajüin namaleiwase, maʼaka naaʼin Baal chi chajachikai Peor, chi maleiwa sünainpünaakai amaʼüjirawaa akuwaʼipaa. Sutuma tia, ouktüshii 24.000 israeliita nalüʼütpa maʼin süpüla nekerotüin suluʼu tü Mma Aapünajatkat namüin. ¡Mojukatche maʼin tü alatakat! (Números 25:1-9, TNM.)

  • «Jalia jia suulia juʼluwajiraain jukuaippa»
    «Ayata alin jüpüla Maleiwa»

    • 4. ¿Jamüshii namaʼüjiraaka nakuwaʼipa noʼutku na israeliitakana?

      4 Amaʼüjiraashii nakuwaʼipa noʼutku na israeliitakana sutuma mojuin tü suluʼujutkat naaʼin. Amojujaasü naaʼin süka nakatalaain nuulia Jeʼwaa otta motusü naaʼin niyuʼlüin naya Egiptojee, nikirüin naya isashiipaʼa otta nuʼunirüin sümaa anain nakuwaʼipa suluʼumüin tü Mma Aapünajatkat namüin (Hebreokana 3:12). Sotusü naaʼin Pablo tia alatakat, müshi nia: «Anakaja nnojoliire waʼluwajiraain wakuaippa [...] maa aka tü naaʼinrakat na watuushinuukana. Saaliijee tia, ouktüshii naʼakajee maa aka 23.000 wayuu soʼuleʼeya wane kaʼi» (1 Corinto 10:8).a