EKIRAJAAYA 05
Nünüiki Maleiwa tü Bibliakat
Nüsülajala wamüin Jehová tü Bibliakat. Eesü 66 karaloʼuta suluʼu. «¿Jamakuwaʼipat süpüla eeinjatüin wamaʼana tü Bibliakat? ¿Jara kashajiralaka shia?», eesüjaʼa müle pünüiki. Süpüla watüjaain saaʼu tia, wekirajaa sünain jamakuwaʼipalüin tü Bibliakat süpüla eeinjatüin shia maaʼulu.
1. Süshajarale wayuu tü Bibliakat, ¿jamaka nünüiki Maleiwa sümünaka?
Ashajuushi tü Bibliakat natuma 40 wayuu. Naatayaa müsü tü naʼyataakalü anain jee tü nakuwaʼipakat. Ashajünüsü tü Bibliakat soʼujee tü juyakat 1513 süpülapünaa wakalia. Sajaʼlajaaka süshajünüin soʼu tü juyakat 98 soʼu wakalia. Ashajünüsü tü Bibliakat soʼutpünaa 1.600 juya. Mayaainjeʼe kakaliain maʼin süshajünüin, pansaasü maʼin tü sümakat. ¿Jamüsü pansaaka shia? Süka niain Maleiwa kashajiralain shia (paashajeʼera 1 Tesalónica 2:13). Na wayuu ashajakana tü Bibliakat, nnojotsü nashajüin tü nekiiruʼujeejatkat neʼe, shia nashajaka tü nümakat Maleiwa namüin sükajee tü nüpülainkat (2 Pedro 1:20, 21, TNM).a Nüküjain Maleiwa namüin na wayuukana sükajee tü nüpülainkat tü nashajüinjatkat (2 Timoteo 3:16).
2. ¿Jara eeka amaʼana tü Bibliakat?
Sümaʼanasü «eʼirukuukat süpüshua sainküin mmakat süpüshua». Anasü nakuwaʼipa na wayuukana sünainjee tü sümakat tü Bibliakat (paashajeʼera Alateetkat Mapeena [Apocalipsis] 14:6). Nüshajirüin shia Maleiwa suluʼu wainma anüikii. Ashajünüsü tü Bibliakat suluʼu wainma anüikii suulialeʼeya waneirua karaloʼuta. Wainma na wayuu atüjaakana saaʼu tü sümakat tü Bibliakat jaʼitainna jalain kepiain naya otta jetsüin tü anüikii naashajaakat.
3. ¿Kasa naaʼinraka Jehová süpüla naaʼinmajüin tü Bibliakat?
Ashajünapuʼusü tü Bibliakat sünain waneirua kasa jooka süpüla ajaʼttaa. Eepejeʼe waneinnua wayuu kojutukana amüin tü Bibliakat, müsüjeseʼe wainmain tü koopia nashajakat sünainjee. Mayaainjeʼe eein waneinnua wayuu ajaʼttireekana tü Bibliakat, eeshii waneinnua wayuu aaʼinmajakana shia mayaainjeʼe eein süpüla jamajüin naya sünainjee. Nnojotsü eein waneirua kasa ataʼülaka nukuwaʼipa Maleiwa süpüla eeinjatüin wamaʼana tü Bibliakat. Anuu sünüiki tü Bibliakat: «Nünüiki chi Wamaleiwasekai, matüjainsat ajaʼlajawaa, süpülajatü kaʼikat süpüshuaʼa» (Isaías 40:8).
WEKIRAJAA SOOʼOMÜIN
Wekirajaa sooʼomüin süchiki tü naaʼinrakat Maleiwa süpüla nüshajirüin waneinnua wayuu tü Bibliakat. Wekirajaa süchiki tü naaʼinrakat süpüla naaʼinmajüin shia otta süpüla eeinjatüin tü Bibliakat sümaʼana wayuu.
4. Süküjain wamüin tü Bibliakat jaralin kashajiralain shia
Jünaja tü VIDEOKOT. Süchikijee, jaashajeʼera 2 Timoteo 3:16 otta yooto jia süchiki tüü:
Süshajarale wayuu tü Bibliakat, ¿jamaka nünüiki Maleiwa sümünaka?
¿Shiimainchejeʼe nüküjain Maleiwa namüin na wayuukana tü nashajüinjatkat? ¿Jamüsüjaʼa saaʼin pümüin?
Nüshajirala Maleiwa wayuu tü Bibliakat. Nünüikipejeʼe tü nüshajirakat. Tia müsü aka saaʼin tü naaʼinrakat wanee laama wanaa sümaa nüshajirüin karaloʼuta wanee secretario.
5. Nnojotsü ajaʼttinnüin tü Bibliakat
Süka nünüikin Maleiwa tü Bibliakat, naaʼinmajüin shia. Wainma na sülaülashiikana mma ajaʼttireeka tü Bibliakat. Eetaashii joo na shikiipüʼükana tü iküleesiakalüirua, nnojotsü nacheküin saashajeʼerüinjatüin wayuu tü Bibliakat. Mayaainjeʼe sülatüin tia, eeshii na wayuu ashajakana tü Bibliakat suluʼu waneirua anüikii mayaainjeʼe eein süpüla outuin naya sünainjee. Wekirajaa nüchiki wanee wayuu ashajakai tü Bibliakat suluʼu wane anüikii naatajatü. Jünaja tü VIDEOKOT otta yooto jia süchiki tüü:
¿Paashajeʼereeinche tü Bibliakat süka pütüjaaitpain saaʼu tü alatakat sümüin? ¿Jamüsü paashajeʼereeka shia?
Jaashajeʼera Salmo 119:97 otta yooto jia süchiki tüü:
¿Jamüsü nashajaka suluʼu waneirua anüikii jee neitajaka tü Bibliakat waneinnua wayuu mayaainjeʼe eein süpüla outuin naya sünainjee?
6. Süpülajatü wayuu süpüshuaʼa tü Bibliakat
Tü Bibliakat shia wanee karaloʼuta ashajünaka suluʼu wainma anüikii jee eitajünaka sainküin mmaka. Jaashajeʼera Aluwataaushikana [Hechos] 10:34, 35 otta yooto jia süchiki tüü:
¿Jamüsü nüchekaka Maleiwa süchiki süshajünüin tü Bibliakat suluʼu wainma anüikii jee shiitajünüin sainküin tü mmakat?
¿Kasa ponoko maʼin paaʼin sünainjee tü aküjünakat süchiki tü Bibliakat?
Sainküin mmaka,
wainma wayuu
eeka amaʼana tü Bibliakat
suluʼu tü anüikii natüjakalü apüleerua
Eesü shia suluʼu
3.000
anüikii
süpüshuaʼa jee shiale süpüshi neʼe
Eesü maʼaka
5.000 miyoone
Biblia eeka sainküin mmaka
suulia waneirua karaloʼuta
EESHII WAYUU EEKAI NAMÜIN: «Süshajala neʼe wayuu tü Bibliakat».
¿Jamüsüjaʼa pünüiki süchiki tia?
¿Jamüsü watüjaaka saaʼu nünüikin Maleiwa tü sümakat tü Bibliakat?
WATÜJAAITPAKA AAʼU
Nünüiki Maleiwa tü Bibliakat, nüshajirüin shia süpüla eeinjatüin sümaʼana wayuu maʼleekalia.
Pusouta shiʼipajee
¿Jamakuwaʼipat süpüla nüshajirüin Maleiwa tü Bibliakat?
¿Kasa ponoko paaʼin sünainjee nnojoluin sajaʼttinnüin tü Bibliakat, sünainjee sülatinnüin suluʼu wainma anüikii jee shiitajünüin sainküin mma?
¿Jamüsü paaʼin süka pütüjaaitpain saaʼu tü naaʼinrakat Maleiwa süpüla eeinjatüin pümaʼana tü Bibliakat?
PÜNAʼLA SOOʼOMÜIN
Paashajeʼera süchiki jamakuwaʼipalüin süpüla süshajünüin tü Bibliakat sümaiwa paala jee maaʼulu yaa.
«¿Jamakuwaʼipat süpüla eeinjatüin wamaʼana tü Bibliakat?» (¡Eeja waaʼin!, nowienpüroʼu 2007)
Mayaainjeʼe wainmain tü kasa aainjünakat süpüla sajaʼttinnüin tü Bibliakat, ayatüsia eein shia.
«Nnojotsü ajaʼttinnüin tü Bibliakat» (Aapiria Wayuu, juulioʼu 2016)
Pünaja süchiki tü alatakat namüin na wayuu ashajakana tü Bibliakat suluʼu waneirua anüikii.
Wainma sukoopiain jee tü pütchi ashajünakat suluʼujee tü Bibliakat suluʼu waneirua anüikii. ¿Jamüsü süpüla pütüjaain saaʼu nnojoluin suʼwanajaain tü sümakat tü Bibliakat?
«¿Aʼwanajaanüsüche tü sümakat tü Bibliakat?» (Pütchi suluʼuka jw.org)
a Wekirajaajeerü anain sooʼomüin süchiki tü nüpülainkat Maleiwa suluʼu ekirajaaya 07.