Kojutsü wamüin tü nüchikimaajatkat Maleiwa

1. Shia tü nüchikimaajatkat Maleiwa,

katchinka maʼin atuma waaʼin soʼukai.

Nnojotsü kasain isainjatüin süchiki

saaʼujee nikiiruʼujeejatüin Jehová.

Nüshajirüin joo shia wamüin Maleiwa

süka nüpülain jee Nünüiki shia.

Nüküjain joo wamüin Washi Maleiwa

tü waaʼinrüinjatkat shiiʼiree anain waya.

2. Süküjain Bibliakat sümaiwa paala

nukumalain Jehová wainma kasa,

anain sukumajia wayuu nutuma

jee kaainjalain mapa nuulia Jehová.

Süküjainña nüchiki joo Yolujaa

niʼrüin wayumüin joo nümüin Jehová.

Nia nee kasitka müin wakuwaʼipa maaʼulu,

najaʼttireechi nia Washi Jehová.

3. Alanaʼaleesia maʼin anain wakalia,

laülaashi Jesús nutuma neʼe Jehová.

Waküjain maʼin sümüin wayuu süchiki,

Weʼreerü anaa nutuma neʼe Jehová.

Anasia tü Nünüikikat Maleiwa,

weʼreerü jimatüin waaʼin sutuma tia.

Icheerü wanoula jee aneerü wakuwaʼipa,

nüsülajüin shia joo wamüin Jehová.