KOROLO KOJUTÜSÜ SULUʼUKA TÜ WIWÜLIAKAT | PROVERBIOS 12-16
Kojutüleesia tü kekiwaakat maʼin suulia tü oorokot
¿Jamüsü kojutüleeka maʼin tü kekiwaa nümaʼanajeejatkat Maleiwa? Saaʼinmajüin nukuwaʼipa wanee wayuu suulia naaʼinrüin kasa mojusü otta katüsü noʼu waneepia sutuma. Jaʼyasü suluʼu nukuwaʼipa, sünain nünüiki otta sünain tü kasa naaʼinrakat.
Nnojotsü yaletüin naaʼin wanee wayuu kekiire maʼin nia
16:18, 19
Chi wayuu kekiikai maʼin, niyaawata aaʼu niain Jeʼwaa chi Kanainjeejachikai tü kekiwaakat maʼin.
Na anakana akuwaʼipa jee na aneekünakana süpüla wanee aʼyatawaa nümüin Maleiwa, naaʼinmajüinjatü nakuwaʼipa suulia yaletüin naaʼin.
Anasü nünüiki wanee wayuu kekiire maʼin nia
16:21-24
Chi wayuu kekiikai maʼin, niyaawata aaʼu wanee kasa, jülüjasü naaʼin tü kasa anasü naaʼinrakat na waneeinnua otta anasü nünüiki nachiki.
Chi wayuu kekiikai maʼin, nnojotsü airuʼuluin nünüiki otta nnojoishi kaashichijaaralin nia; anasü maʼin nünüiki maʼaka anain maʼin ekaa tü mapakat otta nnojoishi achajaain atkawaa.