Taapüin taaʼin pümüin Jehová

1. Nia neʼe Jehová nümüiwaʼa

kakumainka waya,

nukumala tü mmakalia

sümaa tü eekat saaʼu.

Asanalaasü waaʼin nutuma

nüchonnii joo waya

waʼwaajeein Jehová sükajee waaʼin

kojutushi watuma nia.

2. Woutiisapa chi Püchonkai

müshi nia pümüin Jehová:

«Shia taaʼinreetka waneepia

tü püchekakat Jehová».

Anuu nünüiki Maleiwa:

«Talatüsü taaʼin pümaa».

Saaʼu noonooin Jesús nümüin Jehová,

waneepiasü maʼin naaʼin nümaa.

3. Aishaatashi pia tapüla

süka süpüshuaʼa taaʼin

jee taapüin taaʼin pümüin Jehová

sümaa takuwaʼipa yaa.

Puluwataain chi Püchonkai,

puʼtteʼerüin joo taya

jee outule joo taya Jehová

waneepieerü maʼin taaʼin pümaa.