KOROLO KOJUTUSÜ SULUʼUKA TÜ WIWÜLIAKAT | 2 CORINTO 1-3

Nia Jeʼwaa ‹chi amüliajüikai waaʼin›

Wanee kasa nümüliajaka aka waya Jeʼwaa shia nakajee na wawalayuukana. ¿Kasa waaʼinrajatka süpüla wamülialüin naaʼin na eʼrakana müliaa?

Waapaja nanüiki.
Waʼyalaja namaa naʼyalajüle (Ro 12:15, TNM).
Waluwataa namüin wanee tarjeta, wanee correo jee shiale wanee mensaaje (w17.07 13, pütchi süttaka).
Woʼuraaja namaa jee müsia napüleerua.

Eeshii na amülialaakana aaʼin sutuma sünüiki wetsiikulokalüirua tüü:

«Nnojoishi wattaluʼuin Jeʼwaa noulia na mojukana aaʼin otta nükaalinjain na wayuu yüülakana aaʼin» (Sl 34:18, 19).
«Wanaa sümaa wattain maʼin saalin tü kasa shapaakalü atuma taaʼin, anasü taaʼin sutuma pümülialüin taaʼin» (Sl 94:19).
«Waapüin analuʼut nümüin chi Maleiwakai süka alin maʼi waya nüpüla sünain anamiain maʼi nia wamüin. Ayatshiʼiya waya sünain wachecherüin waaʼin, süka watüjaain naaʼu sünain naaʼinrüinjatüin süpüshua tü nüküjakat achiki wamüin paala. Je sükajee tia, achuntüshii waya jaaʼu nümüin chi Wasenyotsekai Jesucristo je nümüin chi Washikai Maleiwa süpüla natütüjüinjanain jia süpüla katsüinjatüin jaaʼin» (2Te 2:16, 17).