Tü waʼyataainkat sünain akaalinjaa na wawalayuukana

8:4, TNM; 8:1-3; 9:7

Piamasü sukuwaʼipa tü waʼyataainkat: 1) Waküjain sümüin wayuu «anajiraainjanain naya nümaa» Maleiwa, waaʼinrüin tia waküjapa pütchi sümüin wayuu jee wekirajapa naya otta 2) waʼyataain napüleerua na wawalayuukana, waaʼinrüin tia wakaalinjapa na wawalayuukana sülatapa kasa mojusü namüin (2Co 5:18-20; 8:4, TNM). Tia shia süpüshi tü waʼyataainkat nümüin Maleiwa. Anuu tü kasa anasü eekat sünainjee:

• Aapünüsü namüin na wawalayuukana tü kasa choʼujaakat namüin (2Co 9:12₁).

• Akaalinjünüshii na wawalayuu alatakana amüin müliaa süpüla naküjain pütchi nachikuaʼa sümaa talatüin naya. Aapüshii naya analuʼut nümüin Maleiwa sükajee tia (2Co 9:12₂).

• Aʼwaajünüshi Jeʼwaa sünainjee tü waaʼinrakat (2Co 9:13). Anasü sünüiki wayuu wachiki sutuma wakaalinjain na wawalayuukana jaʼitakajeʼe neʼe na wayuu mojukana anüiki nachiki na Aküjaliikana pütchi.