Nütüjaa aaʼu Jeʼwaa tü kasa choʼujaakat wamüin

Chi achepchiee oonookai otta kekiikai maʼin, naapüin tü eküütkat «wanaapünaa sümaa tü kaʼi choʼujaakalü oʼu» wamüin shia. Nütüjaa aaʼu Jeʼwaa tü kasa choʼujaakat sümüin wanoula, naapüin shia wamüin nükajee chi achepchieekai (Mt 24:45, TNM). Tü outkajawaa woʼunawaikalü oʼu shiatapünaa semaanakat otta tü outkajawaa miyoʼu apünüinkat kaʼi, shiiʼiyatüin wamüin jülüjain waya naaʼin Jeʼwaa.

SÜCHIKIJEE JÜNAJÜIN TÜ VIDEOKOT TÜ SAAINJAKAT COMITÉ DE ENSEÑANZA (2017), JUSOUTA SHIʼIPAJEE TÜÜ:

• 

  ¿Jarai chi waʼwaajüinjachikai saaʼu eein tü outkajawaakat miyoʼu? ¿Jamüshi niainjachika waʼwaajüin?

• ¿Joujawaisü akumajünüin sukuwaʼipa tü ekirajünajatkat sünain wanee outkajawaa miyoʼu?

• 

  ¿Jamüsü sukuwaʼipa süpüla süneekünüin tü ekirajünajatkat sünain wanee outkajawaa miyoʼu?

• ¿Kasa aʼyatawaa aainjünajatka süpüla eeinjatüin wanee outkajawaa miyoʼu?

• ¿Jamüsü wanaawaka sukuwaʼipa tü ekirajawaakat Galaad sümaa tü ekirajawaa aainjünawaikat shiatapünaa semaanaka?

• 

  ¿Jamüsü sukuwaʼipa natuma na wawalayuukana süpüla naainjainjatüin tü karaloʼutakat Wekirajaayainjatü sünain tü outkajawaakat?

¿Jamüsü pünüiki sutuma wainmain tü kasa naapakat wamüin Jeʼwaa süpüla katchin wanoula?