KOROLO KOJUTUSÜ SULUʼUKA TÜ WIWÜLIAKAT | GÉNESIS 32, 33

¿Kasa paainjaka süpüla niiʼiyatüin Jeʼwaa naʼanasia pümüin?

Süpüla niiʼiyatüin Jeʼwaa naʼanasia wamüin, shia kojutuleeinjatka wamüin aʼyatawaa nümüin (1Co 9:26, 27). Wanaa sümaa waʼyataain nümüin Jeʼwaa, eesü süpüla washatüin tü akuwaʼipaa jaʼyakat naaʼu Jacob soʼu naapiraain nümaa wanee aapiee. ¿Kasa waaʼinrajatka süpüla niiʼiyatüin Jeʼwaa naʼanasia wamüin?

Yapainjatü watuma tü ekirajünüinjatkat sünain tü outkajawaakat.
Aküjainjana waya pütchi waneepia.
Wachajaainjatü sukuwaʼipa süpüla wakaalinjain na wawalayuukana.

Kojuyasü ayaakuaa: wanee eyüü wainmaka shiʼyataain 1) oʼuraajüsü wattaʼa maalü; 2) shikirüin tü süchonchonkat süpülapünaa sujuʼitüin sünain aküjaa pütchi; 3) talatüsü saaʼin sünain aküjaa pütchi namaa na piamashiikana süchonnii jee sümaa piamasü wawalayuu

Jaʼitairü kapüleein maʼin tü kasa alatakat wamüin, nnojoishii waya ooʼulaainjanain suulia achuntaa kaalinwaa nümüin Jeʼwaa otta niiʼiyatüin naʼanasia wamüin saaʼujee waʼyataain nümüin.

PÜSAKIRA PAAʼIN: «¿Kasa eeka süpüla tanoutuin sünain takuwaʼipa süpüla niiʼiyatüin Jeʼwaa naʼanasia tamüin?».