WAKUWAʼIPA SÜNAIN ANOUJAA
Washata nukuwaʼipa José otta nnojo waʼluwajiraain wakuwaʼipa
Sünainjee tü nukuwaʼipakat José, watüjaa aaʼulu kasain waaʼinrüinjatüin süpüla wachecherüin waaʼin suulia waʼluwajiraain wakuwaʼipa. Wanaa sümaa shimeejüin naaʼin tü nuʼwayuusekat Potifar süpüla süinkaain nümaa, niyoutuin naaʼinrüin tia (Gé 39:7-10). «¿Jamataalainjachikalaka taya süpüla taaʼinrüinjatüin wane kasa eekai mojuin maʼi, wane kaainjalaa nuʼupalapünaa Maleiwakai?», maʼwaishi nia sümüin. Sükajee tia nümakat, niyaawata aaʼulu kojutuin maʼin nümüin Jeʼwaa waneepiainjachin wanee wayuu sümaa nuʼwayuuse. Shiasaʼa süpüleeruaanapa naaʼin, apantajaashi nia. Nnojoishi nia makatüin süpüla shimeejüin nia tü jietkat (Gé 39:12; 1Co 6:18).
SÜCHIKIJEE JÜNAJÜIN TÜ VIDEOKOT NNOJO JUʼLUWAJIRAAIN JUKUWAʼIPA, JUSOUTA SHIʼIPAJEE TÜÜ:
¿Kasa nüchechetka oulia naaʼin Jin?
¿Kasa nüsakiraka anain naaʼin Jin wanaa sümaa suchuntuin Mee-Kyong kaalinwaa sünain wanee tareea?
¿Jamüsü naaʼin Jin sutuma kapülain nia saaʼin Mee-Kyong?
¿Jara nuchuntaka amüin kaalinwaa Jin?
¿Kasa naainjaka Jin süpüla nnojolin nuʼluwajiraain nukuwaʼipa?
¿Kasa watüjaka sünainjee videokot tüü?