KOROLO KOJUTUSÜ SULUʼUKA TÜ WIWÜLIAKAT | LEVÍTICO 1-3
Tü asülajünakat nümüin Maleiwa
Tü Pütchi aapünakat nümüin Moisés süküjain nasülajüinjanain na israeliitakana nümüin Maleiwa otta noʼutuinjanain aaʼin mürüt nümüin. Kamalainsü maʼin nümüin Jeʼwaa tia otta shiyaawase naapajiraainjachin nikii Jesuu otta tü anaa eejeetkat sutuma (Heb 8:3-5; 9:9; 10:5-10).
Tü mürüt oʼutunakalü aaʼin mamojulainjatü shia maʼaka mamojulain Jesuu (1Pe 1:18, 19; piirakaa sümüin tü ayaakuaa sünainkat süpana waneesia).
Suʼutunapa aaʼin wanee mürüt, aapünüsü suluʼu waneepiain shia nümüin Maleiwa. Akaʼaya neʼe Jesuu aapajiraashi nia nikii.
Na asülajakana nümüin Maleiwa shia süpüla anajiraain naya nümaa. Anajiraashii nümaa Maleiwa na ekakana pan jee asakana wiino soʼu tü Ekawaa Aipaʼajatkat nutuma chi Senyotkai.