Aluwataashi Saúl otta püreesashii na israeliitakana

Saúl nia chi palajaikai aluwataai Israel. Niyouktüin nia Jeʼwaa. Nüneekaka David süpüla nuluwataain. Atkaashi nia nümaa Goliat jimaʼaliiwaʼaya. Mapa nuʼluwataaka nuulia Saúl. Sükaaliinjüin nia Abigail süpüla nnojoluin naainjüin kasa mojusü.

Mapa ekirajaweena waya nüchiki Salomón, chi nüchonkai David, aluwataaka nüchikumüin. Na apünüinshiikana wayuu aluwataakana palajana saaʼu Israel 40 juya naluwataain. Süchikijee ouktuin Salomón piamasüipa aluwataaya Israel.

Najaʼttirüin na asiriajeʼewaliikana tü poloosükat eʼirukuu süchikijee 257 juya, 133 juya süchikijee tia ajaʼttinnüsü tü piamasükat eʼirukuu. Püreesainjana na israeliitakana Babiloniamüin. Alatüsü 510 juya sünain tü PIENCHIKAT Shiʼipa, soʼu tia alatüsü wainma kasa.