JAYEECHI 24
Jooʼuya waʼwaajai Jehová
(Isaías 2:2-4)
1. Müsü saaʼin uuchi miyoʼu
tü aʼwaajaakat Jehová
nnojotsü antapünaayaain
tü waneirua sünain.
Keeʼireesü maʼin saaʼin wayuu
shiʼyataain nümüin Jehová
otta suʼwaajüin nia
süka süpüshuaʼaya saaʼin.
Wainma maʼin joo waya
sainküin mma joo nutuma Jehová.
Jee anasü waʼyataain
saaʼujee kaalin nüpüla waya.
Watta naalii wayuu
aʼyataaka joo nümüin
otta waneepiain maʼin sünain
aʼwaajaa joo nia.
2. Laülaashi joo waaʼu Jesús
jee nuluwataain waya,
jooʼuya sünain ekirajaa wayuu
sainküin mma.
Keeʼireesü maʼin naaʼin Jesús
katchin joo wanoulakat
otta jülüjain waaʼin
waneepiain maʼin nia wamaa.
Wainma maʼin joo wayuu
aʼyataaka nümüin neʼe Jehová.
Jooʼuya maa sainküin mma
jee waküja Nünüiki Jehová.
«Jooʼuya», müshii waya
soʼu waküjain joo namüin.
«Jooʼuya sünain aʼwaajaa
maʼin Washikai Jehová».
(Paashajeʼera Sal. 43:3; 99:9; Is. 60:22; Aluw. 16:5).