Wanee outkajawaa puʼunüinjatka anain

Wanee ai süpülapünaa ouktüin Jesuu, nuluwataain na nikirajüinkana sünain sotuinjatüin naaʼin naapajiraain nikii saaʼu wayuu. Niʼitaain Jesuu tü sukuwaʼipainjatkat natuma, eejatü wanee pan moolojiasat otta wanee wiino yuuleematüsü. Eʼraajünüsü tia süka tü anülieekat: Ekawaa aipaʼajatka nutuma chi Senyotkai. Nümakalaka namüin na nikirajüinkana: «Tü waaʼinrakat jooluʼu, süpülajatü jaaʼinrüin waneepia süpüla sotüinjachin jaaʼin taya» (Lucas 22:19).

Wayakana aküjüliikana pütchi nüchiki Jeʼwaa, outkajaashii waya juyawai süpüla sotuinjachin waaʼin ouktüin Jesuu. Soʼu juyakat tüü, eejeerü tia outkajawaakat aaʼuriiroʼu 14, nikerotapa chi Kaʼikai.

Wounejaainreʼe pia süpüla puutkajaainjachin wamaa sünain aapajaa wanee pütchi aashajaaka süchiki naapajiraain nikii Jesuu. Nnojoishi pia awalaajüinjachin nneerü. Pütüjaweere saaʼu jalapüshinjatüin otta jalainjatüin saainjünüin tia outkajawaakat, püsakira chi aapakai pümüin tü rewiisütakat jee püchajaale shia suluʼu Internet, jw.org. Püshaja joujainjatüin shia suulia motojuin paaʼin. Kasataalejeseʼe chain pia wamaa.