Atüjüinjana waya aküjaa pütchi: anainjatü putuma suʼttia pünüiki
¿Jamüsü waaʼinrajatka shia? Nnojorüle anain maʼin tü wanüikikat woʼttaiwaʼaya sünain aküjaa pütchi, nnojoleerü jamajatüin namüin na wayuukana tü waküjüinjatkat namüin. Naashin waneeinnua wawalayuu, shia nojuʼitiraka palajana wanee pütchi eekai anain maʼin. Suluʼu Waʼyataain Nümüin Maleiwa, ashajünüsü tü sukuwaʼipainjatkat wanüiki, nnojotpejeʼe ashajünüin jamüinjatüin suʼttia wanüiki. Aainjünüsü tia süpüla waneeküinjatüin tü suʼttiainjatkat wanüiki. Jaʼitakajeʼe süshajünüle yala, eesü süpüla weeʼiratüin shia süka tü anakat saaʼin wamüin. Naapajeerü na wayuukana tü waküjüinjatkat namüin müleka wojuʼitirüle wanee pütchi eekai anain maʼin (Prov. 15:28).
Puuʼulaka tüü süpüla wanee kashi:
Puʼwaajapa Maleiwa sümaa püpüshi, pikirajaa sünain tü pünüikinjatkat puʼttaiwaʼaya sünain aküjaa pütchi.
Püküjapa pütchi nümaa wanee wawala, püküja namüin tü suʼttiainjatkat pünüiki (Prov. 27:17). Mamalainre namüin na wayuukana tü pümakat, piiʼirata shia.